ჩელე არენაზე 6 დეკემბერს აჭარის ორი კლუბი შეხვდა ერთმანეთს – ბათუმის „დინამო“ და ქობულეთის „შუქურა“. იმის გამო რომ ბათუმის „დინამოს“ სტადიონი არ აქვს, „დინამო“ „შუქურას“ „შუქურასვე“ სტადიონზე მანსპინძლობდა.
აჭარული დერბი ფრედ 0:0 დამთავრდა. გუნდებმა თითო ქულა მიითვალეს. ბათუმის „დინამო“ კი უმაღლეს ლიგაში მესამე ადგილზე დაწინაურდა. ამ შეხვედრით ორივე კლუბმა დაამთავრა უმაღლეს ლიგის 2014-2015 წლის სეზონის პირველი წრის თამაშები.
„შუქურას“ მეკარის თემურ კაკალაძის შეფასებით ასეთი შედეგი მოსალოდნელი იყო:
„ძალიან დაძაბული თამაში იყო, ვიცოდით, რომ ბათუმიც და ჩვენც ჩაკეტილ ფეხბურთს ვითამაშებდით. და ასეც მოხდა. გვქონდა რამდენიმე მომენტები ჩვენც და ბათუმის „დინამოსაც“. ვფიქრობ რეალური და კანონზომიერი ფრე დაფიქსირდა“ – განუცხადა „ბათუმელებს“ კაკალაძემ.
ბათუმის „დინამომ“ პირველი წრის ბოლოს 24 ქულა დააგროვა. შუქურამ – 18.
15 თამაშიდან „დინამოს“ 7 მოგება, 5 წაგება და 3 ფრე აქვს, ხოლო „შუქურამ“ 4 შეხვედრა მოიგო, 5 – წააგო და 6-ჯერ ფრე ჩაატარა.
15 თამაშში საერთო ჯამში დინამომ 17 გოლი გაიტანა. 9 გოლი გაუტანეს საკუთარ კარში.
„შუქურას“ ანგარიშზე 14 გოლია. და 15 გოლი გაუშვა საკუთარ კარში.
დღეს საქართველოს საკლუბო ჩემპიონატის კიდევ ექვსი შეხვედრა გაიმართება, რითაც პირველი წრე დასრულდება.
შუქურას” მეკარე
7 დეკემბერს ერთმანეთს შეხვდებიან:
„ვიტჯორჯია“ (თბილისი) – „დილა“ (გორი)
მცხეთა, “მცხეთა პარკი”, 14:00
მსაჯები: გ.ვადაჭკორია, ზ.მენთეშაშვილი, ს.სპიცინი, გ.ავაზაშვილი (სათადარიგო)
დისკვალიფიკაცია: ლუკა რაზმაძე, დავით ხურცილავა (ორივე”დილა”)
„ჩიხურა“ (საჩხერე) – „დინამო“ (თბილისი)
ივანწმინდა, ცენტრალური სტადიონი, 14:00
მსაჯები: გ.ყრუაშვილი, ბ.ჭიჭინაძე, ი.უკლება, გ.კიკაჩეიშვილი (1 დამ.ასისტენტი), ი.კვირიკაშვილი (2 დამ.ასისტენტი), ა.ბასლეჰლო (სათადარიგო)
დისკვალიფიკაცია: ბესიკ დეკანოიძე (“ჩიხურა”), გიორგი პაპუნაშვილი (“დინამო” თბილისი)
„მერანი“ ( მარტვილი) – „სამტრედია“ (სამტრედია)
ზესტაფონი, “დავით აბაშიძე”, 14:00
მსაჯები: ა.ნონიკაშვილი, ლ.ვარამიშვილი, გ.ელიკაშვილი, მ.ბეუქლიშვილი (სათადარიგო)
დისკვალიფიკაცია: ვაჟა ლომაშვილი (“მერანი”), გიორგი დათუნაიშვილი (“სამტრედია”)
„ტორპედო“ (ქუთაისი) – „მეტალურგი“ (რუსთავი)
ქუთაისი, ცენტრალური სტადიონი, 14:00,
მსაჯები: ლ.კვარაცხელია, ზ.ფიფია, ზვ.ერქვანია, ჯ.ხორავა (სათადარიგო)
დისკვალიფიკაცია: შოთა ბაბუნაშვილი (“ტორპედო”)
პირდაპირი რეპორტაჟი საზოგადოებრივი მაუწყებლის პირველი არხით
„ზუგდიდი“ (ზუგდიდი) – „ზესტაფონი“ (ზესტაფონი)
ზუგდიდი, “ბაიას” ბაზა, 14:00
მსაჯები: ლ.სილაგავა, ლ.თოდრია, გ.ჩიგოგიძე, დ.სანოძე (სათადარიგო)
დისკვალიფიკაცია: ლაშა ღონღაძე (“ზუგდიდი”), ლევან შარიქაძე (“ზესტაფონი”)
„გურია“ (ლანჩხუთი) – „სიონი“ (ბოლნისი)
ლანჩხუთი, “ევგრაფი შევარდნაძე”, 14:00
მსაჯები: ა.კრიჭაშვილი, დ.კვეტენაძე, დ.კურტანიძე, ხ.გაგნიძე (სათადარიგო)
დისკვალიფიკაცია: ირაკლი სამხარაძე, დავით სვანიძე (ორივე “სიონი”)
