Batumelebi | კარატეს საერთაშორისო ტურნირი ბათუმში კარატეს საერთაშორისო ტურნირი ბათუმში – Batumelebi
ნეტგაზეთი • RU

კარატეს საერთაშორისო ტურნირი ბათუმში

გასულ კვირას ბათუმმა კარატეში საერთაშორისო ტურნირს უმასპინძლა, რომელშიც შვიდი ქვეყნის წარმომადგენლები მონაწილეობდნენ. ორდღიან შეჯიბრზე ტატამზე ქართველებთან ერთად უკრაინის, რუსეთის, ისრაელის, თურქეთის, სომხეთისა და აზერბაიჯანის სპორტსმენები იბრძოდნენ, საერთო ჯამში მათმა რაოდენობამ 500-ს მიაღწია. შეჯიბრებაში სხვადასხვა ასაკსა (6-დან 45 წლამდე) და წონით კატეგორიიაში გაიმართა. აჭარის ნაკრები ტურნირზე 50 სპორტსმენით წარსდგა. მათ ანგარიშზე 10 ოქროს, 17 ვერცხლისა და 14 ბრინჯაოს მედალია. 


ჩემპიონები გახდნენ: 8-9 წლის ასაკში _ ანრი ბაგრატიშვილი (+30), დათო ვერძაძე (-30); 10-11 წლის ასაკში _ გიორგი ლორთქიფანიძე (+45); 12-13 წლის ასაკში _ გიორგი მიქაძე (-45) და ალეკო იაკობაძე (+55); 14-15 წლის ასაკში _ გოგიტა ფარტენაძე (-55) და გია დიასამიძე (+55); 16-17 წლის ასაკში _ ვახტანგ გოგოლიშვილი (-75) და მურმან ჯიჯავაძე (+75); გოგონათა შორის (18-33 წ.) ნანა მჟავანაძე გაჩემპიონდა. რაც შეეხება კატებს (ტექნიკის დემონსტრირება), უფროს ასაკში ჯონი დიასამიძემ გაიმარჯვა, 10-11 წლის ასაკის მონაწილეთა შორის კი გიორგი შავაძემ დაიკავა მესამე ადგილი. აჭარის ნაკრები ტურნირისათვის მოამზადეს: გოჩა სურმანიძემ (მთავარი მწვრთნელი), მწვრთნელები: არჩილ ლორთქიფანიძე, ლევან თედორაძე, მუხრან ძნელაძე, გიგლა სურმანიძე, მურად ბინალიევი, ლაშა ბოლქვაძე.

გოჩა სურმანიძე, აჭარის კარატეს ფედერაციის პრეზიდენტი: ასეთი მასშტაბის საერთაშორისო ტურნირი ჩვენმა ორგანიზაციამ პირველად ჩაატარა და ვიმედოვნებ, არა უკანასკნელად. ყველაფერი კარგად იყო ორგანიზებული, სპორტსმენთა დონეც საკმაოდ მაღალია. მართალია, არის გარკვეული ნიუანსები, რომლებიც დახვეწას საჭიროებს, მაგრამ თანდათან ამასაც მოევლება. მომავალი წლიდან ვაპირებთ მონაწილე ქვეყნების რაოდენობის გაზრდას. მადლობა მინდა გადავუხადო აჭარის სპორტის დეპარტამენტსა და ოლიმპიურ კომიტეტს, ასევე, საქართველოს კარატეს ეროვნულ ფედერაციასა და მის თავკაცს კახა ბასილიას თანადგომისათვის.

ნეტგაზეთის მასალების სხვა გამოცემებში გადაბეჭდვის წესი
ირაკლი დარცმელიძე