– ფედერაციის დაარსება იმ ფაქტმა ხომ არ განაპირობა, რომ მალე ამ სახეობას ოლიმპიურ ოჯახში სრულფასოვან წევრად მიიღებენ?
– რა თქმა უნდა, გადამწყვეტი როლი ამ ფაქტორმა ითამაშა. ეს იქნება კონტაქტური კარატეს ერთიანი სისტემა, რომელიც WKF-ის (მსოფლიო კარატეს ფედერაცია) წესდებითა და წესებით იხელმძღვანელებს. რაც შეეხება ოლიმპიური თამაშების პროგრამაში მის შეყვანას, ამის შესახებ საუბარი უკვე დიდი ხანია მიდის და როგორც იქნა, სათანადო გადაწყვეტილებაც მიიღეს.
– ანუ მალე ოლიმპიადაზე ვიხილავთ თქვენს სახეობას…
– აღმოსავლური ორთაბრძოლების სახეობებიდან მხოლოდ ტაეკვონდოა ოლიმპიური თამაშების პროგრამაში შეყვანილი, ახლა ჩვენს დავემატებით. ფაქტობრივად, ეს უკვე გადაწყვეტილია, თუმცა, ოფიცილაურად ეს სექტემბერში, მსოფლიო ოლიმპიური კომიტეტის სხდომაზე გაცხადდება. აქვე გეტყვით, რომ 2015 წელს, ბაქოში ჩატარედება ტურნირი კარატეში, რომელიც, ასე ვთქვათ, ოლიმპიადისწინა გენერალური რეპეტიცია იქნება.
– არჩევნებში ყველა სახეობის წარმომადგენელი მონაწილეობდა?
– მონაწილეობა ცხრა კლუბის წარმომადგენლებმა მიიღეს. როგორც იცით, მსოფლიო ძირითადად საკლუბო სისტემაზეა გადასული, რაც უფრო მომგებიანია როგორც სპორტული, ასევე კომერციული თვალსაზრისითაც, არც ჩვენ გვინდა ჩამოვრჩეთ. ჩვენი ფედერაციის კარი ღიაა ნებისმიერი სახეობის წარმომადგენლებისთვის, იქნება ეს გოჯურიუ, შოტოკანი, შიტორიუ, კიოკუშინკაი თი რომელიმე სხვა. მთავარია, შეჯიბრებაზე ყველა დაემორჩილოს WKF-ის მიერ აღიარებულ წესებს და ამ წესების მიხედვით იბრძოლოს. არის სიახლეც. ორთაბრძოლისას სპორტსმენებს ექნებათ დამცავი ჟილეტები, რომელიც ტრავმის ალბათობას შეამცირებს.
– აღნიშნული სისტემით თქვენ დიდი ხანია ავარჯიშებთ მოსწავლეებს და არა მგონია, ახლა გაუჭირდეთ…
– მართალია, WKF-ის წესებით დიდი ხანია ვავარჯიშებთ მოსწავლეებს, ასე რომ ამ სისტემას კარგად იცნობენ. კონკურენციაც გაიზარდა. ახალი თაობა წამოვიდა, 15-16 წლის ბიჭები არიან, საქართველოს ჩემპიონები, ბევრი საერთაშორისო ტურნირის გამარჯვებულები და პრიზიორები, დარწმუნებული ვარ, მათი უმრავლესობა შეძლებს ოლიმპიური თამაშებზე მოხვედრას, თუმცა, ამისთვის ჯერ საქართველოს ოლიმპიურ ნაკრებში მოხვედრაა აუცილებელი. ოლიმპიურმა პერსპექტივამ ბიჭებს დამატებითი სტიმული მისცა. ილია გოგიტიძე, დათო მიქაძე, ლაშა ვარშანიძე, გიგლა სურმანიძე, დათო პეტრიძე, მიხადი ბინალიევი და ბევრი სხვაც… ეს ის ბიჭები არიან, ვისაც დიდი გამარჯვების მოპოვება შეუძლიათ.
– დღესდღეობით რამდენი მოსწავლე გყავთ?
– ამჟამად, აჭარის მასშტაბით ათასზე მეტი მოსწავლე ვარჯიშობს. ახლა ერთ პროგრამაზე ვმუშაობ, რომელსაც მალე წარვუდგენ ეროვნულ ფედერაციას და რომლის მიხედვითაც ხშირად გაიმართება საკლუბო ჩემპიონატები, რაც სპორტსმენის გაზრდა-განვითარებას შეუწყობს ხელს. თუმცა, მთავარი ტურნირი მათთვის აჭარის პირველობა იქნება, სადაც დაკომპლექტდება აჭარის ნაკრები როგორც დიდებში, ასევე კადეტებსა და იუნიორებში.
WSKU (მსოფლიოს შოტოკან კარატეს გაერთიანება) ერთადერთია სტილობრივ სახეობებში, რომელსაც WKF აღიარებს. ჩვენც ამ სისტემის მიმდევრები ვართ. ყველა სპორტსმენისთვის დავამზადებთ ე.წ. კარატეს ID ბარათებს, რომელიც მათ წევრობას დაადასტურებს არა მარტო აჭარისა და საქართველოს, არამედ მსოფლიო ორგანიზაციაშიც და ისინიც ისეთივე სრულუფლებიანი წევრები იქნებიან, როგორც ნებისმიერი სხვა ქვეყნის წარმომადგენელი და თანაბარი უფლებებით ვისარგებლებთ.
– უახლოეს ტურნირს როდის გეგმავთ?
– ამ დღეებში თბილისი მასპინძლობს საერთაშორისო ტურნირს. ჯერ მსაჯთა სემინარები იქნება, რომელსაც მსოფლიოს სამსაჯო კომიტეტის წარმომადგენლები ჩაატარებენ, შემდეგ კი ორი დღე ტურნირს დაეთმობა. ბათუმიდან 10 სპორტსმენითა და 10 მსაჯით ვგეგმავთ გამგზავრებას. ზაფხულში კი ბათუმში ვაპირებთ საერთაშორისო ტურნირის ჩატარებას, ცვლილებებს ვგეგმავთ ამ ტრადიციუ ტურნირზე. ანუ ვაპირებთ სპორტსმენთა რაოდენობა ნაწილობრივ შევზღუდოთ, რათა მონაწილე ქვეყნების რაოდენობა დაემატოს. გარდა ამისა, როგორც თქვენი გაზეთის საშუალებით არაერთხელ განვაცხადეთ, ვაპირებთ ისრაელის მოსადის ინსტრუქტორის გაბი მიხაელის მოწვევას, რომელიც კრავმაგას (თავდაცვისა და თავდასხმის სისტემა) დანერგვაში დაგვეხმარება. ამის შემდეგ კი, ივლის-აგვისტოში, ჩვენ მე, ლევან თედორაძე, გიგლა სურმანიძე და მუხრან ძნელაძე ვაპირებთ ორთვიან შეკრებაზე ისრაელში გამფზავრებას, სადაც კრავმაგას მეთოდით ვივარჯიშებთ და რაც, დარწმუნებული ვარ, სამომავლოდ გამოგვადგება.
