ბათუმის ხელბურთელთა გუნდმა „ბათუმმა“, რომელიც თბილისში საქართველოს ჩემპიონატის დასკვნით ტურებს თამაშობს, ფაქტობრივად, უკვე გაინაღდა მეორე ადგილი და ვერცხლის მედლები. გაცილებით სასიხარულო კი ისაა, რომ როგორც ცნობილი გახდა, წელს, ევროლიგის გათამაშებაზე, „ბათუმიც“ მიიღებს მონაწილეობას. აღნიშნულის თაობაზე კომენტარი „ბათუმის“ მთავარმა მწვრთნელმა მერაბ ჭანტურიამ გააკეთა.
მერაბ ჭანტურია: საქართველოს ერვონული ჩემპიონატის ვერცხლის მედლები, ფაქტობრივად, მოვიპოვეთ. უახლოეს მდევარს მოვუგეთ და საკმაოდ გავუსწარით. სამწუხაროდ, „გპი“-ს გუნდს ვერ ვეწევით. მთავარი ისაა, რომ ევროლიგაზე თამაშის საშუალება მოგვეცა. ფინანსური პრობლემები იყო, თუმცა, ქალაქ ბათუმის მერია დაგვპირდა, რომ ამ პრობლემას მოგვიგვარებდა. ასე რომ, ბათუმის „ბათუმის“ ევროპის ერთ-ერთ უძლიერეს საკლუბო ტურნირზე ითამაშებს. როგორც ადრე გითხარით, წელს საკმაოდ კარგი შემადგენლობა გვყავს და დარწმუნებული ვარ, ევროტურნირზე ღირსეულად წარვსდგებით.
