Batumelebi | „ვენდეტა“ დასრულდა „ვენდეტა“ დასრულდა – Batumelebi
RU | GE  

„ვენდეტა“ დასრულდა

ირაკლი დარცმელიძე

 

ბათუმში დასრულდა ტურნირი პროფესიონალ მკლავჭიდელთა შორის, რომელიც ვენდეტას სახელითაა ცნობილი. სახელწოდებიდან გამომდინარე, შეჯიბრის სპეციფიკა სხვაგვარია, ანუ სპორტსმენები ერთ წონით (ამ შემთხვევაში 78 კგ.) კატეგორიაში ასპარეზობენ და ერთმანეთს სამ მოგებამდე ეპაექრებიან. 

 



მემარჯვენე მკლავჭიდელთა შორის ტურნირის ჩემპიონი გახდა ოთარ თავართქილაძე, რომელმაც ფინალში თამაზ კონცელიძე დაამარცხა, მესამე ადგილზე რატი რეხვიაშვილი გავიდა. მემარცხენეთა შორის „ვენდეტას“ გამარჯვებულის ტიტული მერაბ კაკაბაძემ მოიპოვა, რომელიც ევროპის ჩემპიონი გახლავთ, მეორე-მესამე ადგილები, შესაბამისად, ოთარ თავართქილაძემ და თამაზ კონცელიძემ დაიკავეს.

ოთარ თავართქილაძე ნოემბერში პოლონეთში გაემგზავრება, სადაც მსოფლიო თასისთვის გამართულ ტურნირში მიიღებს მონაწილეობას.

ნეტგაზეთის მასალების სხვა გამოცემებში გადაბეჭდვის წესი
ირაკლი დარცმელიძე