„ოცნების“ მთავრობამ სახელმწიფო გრანტის მართვის სააგენტოს საშტატო ნუსხა და ხელფასები დაამტკიცა. ახალი განკარგულებით, სააგენტოს თავმჯდომარის ხელფასი თვეში 10 ათას 585 ლარი იქნება; მოადგილის – 8 ათას 760 ლარი, ხოლო დეპარტამენტის უფროსის – 7 ათას 300 ლარი.
გრანტის მართვის სააგენტოს თავმჯდომარე თამარ ზოდელავაა.
მიმდინარე წელს [8 თვე] სააგენტოს ამ სამი თანამშრომლის ხელფასებისთვის ჯამში 253 ათასზე მეტი დაიხარჯება. სააგენტოს ბიუჯეტი კი 510 ათას 200 ლარით განისაზღვრა, საიდანაც 257 ათასი ლარი „საქონელი და მომსახურების“ მუხლშია გაწერილი:
სახელმწიფო გრანტის მართვის სააგენტოს 2025 წლის [8 თვის] ბიუჯეტი / წყარო: მთავრობის განკარგულება
სახელმწიფო გრანტის მართვის სააგენტოს საშტატო ნუსხა და ხელფასები / წყარო: მთავრობის განკარგულება
საჯარო სამართლის იურიდიული პირის − სახელმწიფო გრანტის მართვის სააგენტოს დებულება „ოცნების“ მთავრობამ 2025 წლის 15 აპრილს დაამტკიცა.
მთავრობის მიერ არასამთავრობოების დაფინანსების იდეა ირაკლი კობახიძემ პირველად 2024 წლის 9 სექტემბერს გაახმიანა. მან თქვა, რომ სამთავრობო საგრანტო ფონდით მხოლოდ ის ორგანიზაციები ისარგებლებენ, რომლებიც რუსულ კანონს დაემორჩილებიან და „უცხოური ინტერესების გავლენის გამტარებად“ დარეგისტრირდებიან.
გამოდის, რომ „ქართული ოცნების” სახელმწიფო გრანტის მართვის სააგენტო დააფინანსებს არასამთავრობო ორგანიზაციებს, რომლებსაც ოფიციალურად უცხოეთის ინტერესების გავლენის გამტარის სტატუსი ექნებათ.
ამ თემაზე:
„ოცნებამ“ საბოლოოდ აკრძალა მთავრობის თანხმობის გარეშე უცხოური გრანტის მიღება
