უკრაინის პრეზიდენტმა ვოლოდიმირ ზელენსკიმ ფრანგულ გამოცემა Le Figaro-სთან ინტერვიუში განაცხადა, რომ ამ გაზაფხულზე რუსეთი კვლავ გეგმავს სუმისა და ხარკოვის რეგიონებზე თავდასხმას.
ზელენსკი მიიჩნევს, რომ ცეცხლის შეწყვეტაზე მოლაპარაკების ფონზე, პუტინი „ცდილობს მოიგოს დრო“ სუმისა და ხარკოვის რეგიონებზე თავდასხმისთვის მოსამზადებლად.
„ჩვენ ვხედავთ მზადებას მომავალი ოპერაციისთვის. გავუზიარეთ დაზვერვის ინფორმაცია ჩვენს მოკავშირეებს“ – თქვა ზელენსკიმ.
მისი თქმით, ეს შეტევა რვა თვის წინ უნდა მომხდარიყო, მაგრამ უკრაინამ მისი ჩაშლა შეძლო კურსკის ოპერაციის გამო.
მანამდე უკრაინის პრეზიდენტმა ასევე განაცხადა, რომ რუსეთმა ჩამოაყალიბა ჯარების ახალი შემადგენლობა სუმის, ხარკოვისა და ზაპოროჟიეს რეგიონებზე დასარტყმელად.
