დღეს, 11 იანვარს, ქობულეთში იგეგმება ევროპული მარში.
მარშის მონაწილეები 17 საათზე შეიკრიბებიან ქობულეთის მერიასთან.
თანაქალაქელებო, დროა, ჩვენი ხმა კვლავ გაიგონონ!
ქობულეთი და მთელი საქართველო იმსახურებს ევროპულ მომავალს – თავისუფლებას, განვითარებას, ღირსეულსა და უკეთეს ცხოვრებას!
ევროპული ღირებულებები ნიშნავს დაცულ უფლებებს, სამართლიანობასა და მნიშვნელოვან შესაძლებლობებს თითოეული ჩვენგანისთვის. ეს ჩვენი შანსია, გავაძლიეროთ ჩვენი ქალაქი და ქვეყანა, გავერთიანდეთ და ვაჩვენოთ, რომ ქობულეთი ევროპისკენ ნაბიჯების გადადგმისთვის მზადაა!
ჩვენ მოვითხოვთ უსამართლოდ დაკავებული პირების დაუყოვნებლივ გათავისუფლებასა და ახალი არჩევნების ჩატარებას, რათა ქვეყანაში აღდგეს სტაბილურობა და გაგრძელდეს ევროინტეგრაციის პროცესი.
ვაპროტესტებთ მშვიდობიანი მოქალაქეების უფლებების დარღვევას, უკანონო დაკავებებსა და ძალადობას, რომელიც ხორციელდება ძალოვანი სტრუქტურების მხრიდან.
ჩვენ ვეწინააღმდეგებით ქვეყნის დემოკრატიული სამყაროსგან იზოლაციას და მისი ევროინტეგრაციის პროცესის შეჩერებას.
ერთად ჩვენ შევძლებთ ცვლილებებს!“ – ნათქვამია ღონისძიების გვერდზე, ფეისბუქზე გამოქვეყნებულ მარშის ანონსში.
