საქართველოს წინააღმდეგ მიმდინარეობს რუსული სპეცოპერაცია – ემიგრანტების განცხადება

უცხოეთში მცხოვრები ქართველი ემიგრანტები განცხადებას ავრცელებენ.

„ბათუმელები“ უცვლელად გთავაზობთ განცხადების ტექსტს.

„საქართველოს არ ახსოვს უახლესი ისტორიის განმავლობაში მსგავსი კატასტროფული პოლიტიკური ვითარება. რუსეთის მხრიდან, ივანიშვილსა და პარტია „ქართულ ოცნებასთან“ თანამშრომლობით, საქართველოს წინააღმდეგ მიმდინარეობს სპეცოპერაცია ახალი, ჰიბრიდული მეთოდით, რომლის მიზანია საქართველოს, როგორც პოლიტიკური სუბიექტის მომავლის განადგურება და მისი იზოლაცია დემოკრატიული სამყაროსგან.

საქართველოს არალეგიტიმური პარლამენტი და მთავრობა, ძალაუფლების შენარჩუნების მიზნით, ყოველდღიურად ძალადობს საკუთარ მოქალაქეებზე, არღვევს საქართველოს კონსტიტუციას, სასტიკად უსწორდება მშვიდობიან დემონსტრანტებს და ჟურნალისტებს. დამოუკიდებელი საქართველოს არცერთი მთავრობა არ ყოფილა ასეთი ცინიკური და ასეთი ღია საკუთარ მოღალატეობრივ ზრახვებში.

შექმნილი უმძიმესი პოლიტიკური და ჰუმანიტარული მდგომარეობა გვიბიძგებს ჩვენს ხელთ არსებული საშუალებებით, მაქსიმალურად გამოვხატოთ ჩვენი თანადგომა და მხარდაჭერა საქართველოსა და მისი მოქალაქეების მიმართ საქართველოს არალეგიტიმური ხელისუფლების წინააღმდეგ ბრძოლაში, საქართველოს დამოუკიდებლობის, სუვერენიტეტისა და კონსტიტუციური წესრიგის შენარჩუნების საქმეში, გამოვუცხადოთ სოლიდარობა პოლიტიკურ პატიმრებს და მათ ოჯახებს, ფიზიკური ანგარიშსწორების შედეგად დაზარალებულებსა და მათ ოჯახებს.

ამიტომ, ჩვენ, საქართველოს გარეთ მცხოვრები მოქალაქეები ურყევად ვაფიქსირებთ, რომ:

ევროკავშირი არის საქართველოს არა მხოლოდ ცივილიზაციური არჩევანი, არამედ ერთადერთი უალტერნატივო კულტურული, ინტელექტუალური, პოლიტიკური, ეკონომიკური და სოციალური სივრცე, სადაც შესაძლებელია საქართველოს, როგორც სრულფასოვანი პოლიტიკური სუბიექტის არსებობა, მისი კულტურული იდენტობის შენარჩუნება და განვითარება.

ამერიკის შეერთებული შტატები იყო და უნდა დარჩეს საქართველოს ერთგულ და უალტერნატივო პარტნიორად, რომლის მხარდაჭერით საქართველომ შეძლო, მიუხედავად ომებისა, რუსული ანექსიისა და სახელმწიფო გადატრიალების შემდგომ არსებული სრული პოლიტიკური და ეკონომიკური კოლაფსისა, საკუთარი სახელმწიფოს ჩამოყალიბება და სახელმწიფო ინსტიტუტების განვითარება.

დღეს, როცა შეჩერებულია საქართველოს ევროკავშირში გაწევრიანების პროცესი;

როცა ამერიკის შეერთებული შტატების მხრიდან ცალმხრივად შეჩერდა საქართველოსთან პარტნიორული ურთიერთობები;

როდესაც „ქართული ოცნების“ და ბიძინა ივანიშვილის მიერ, საქართველოში მიმდინარეობს სახელმწიფო გადატრიალება და სახელმწიფო ინსტიტუტების მიტაცება;

როდესაც საქართველოში რუსეთის მხრიდან ხორციელდება საქართველოს სახელმწიფოსა და მისი პოლიტიკური მომავლის წინააღმდეგ სპეცოპერაცია;

როდესაც საქართველოში ყოველდღე აკავებენ ათობით მშვიდობიან მოქალაქეს, არბევენ მშვიდობიან დემონსტრანტებს, ფიზიკურად უსწორდებიან ჟურნალისტებს –

ვაფიქსირებთ ჩვენს მხარდაჭერასა და სოლიდარობას ჩვენი ძმებისა და დების – საქართველოს მოქალაქეების მიმართ.

საქართველოს პრეზიდენტს, ქალბატონ სალომე ზურაბიშვილს, როგორც დღეისათვის ერთადერთ ლეგიტიმურ პოლიტიკურ ინსტიტუტს, ვუცხადებთ სრულ ნდობასა და მხარდაჭერას.

მოვუწოდებთ ქართულ პოლიტიკურ სპექტრს ერთიანობისა და პრეზიდენტის ინსტიტუტის მხარდაჭერისკენ;

მოვუწოდებთ ქართული დიასპორის წარმომადგენლებს გამოვიყენოთ ჩვენს ხელთ არსებული ნებისმიერი საშუალება ჩვენი ქვეყნისა და ხალხის დასახმარებლად;

კიდევ ერთხელ ვგმობთ “ქართული ოცნების” და ბიძინა ივანიშვილის მიერ საქართველოში სახელმწიფო გადატრიალებას !

მოსახლეობაზე, მშვიდობიან მომიტინგეებსა და ჟურნალისტებზე ძალადობას!

მიგვაჩნია, რომ საქართველოს გარდაუვალი მომავალი არის დემოკრატიული პოლიტიკური კულტურა, ევროკავშირში გაერთიანება და ამერიკის შეერთებულ შტატებთან სტრატეგიული პარტნიორობის გაღრმავება.

მოვუწოდებთ დემოკრატიულ სამყაროს, არ დაუშვან საქართველოში რუსეთის ახალი ჰიბრიდული ანექსიის პროექტის წარმატება! დაუწესონ ეფექტური სანქციები ივანიშვილსა და ქართული ოცნების მაღალჩინოსნებს! დაუჭირონ მხარი ქართველ ერს და საქართველოს პრეზიდენტთან კოორდინაციით დაეხმარონ საქართველოს, იბრძოლოს საკუთარი სახელმწიფოებრიობისა და დამოუკიდებლობის, დემოკრატიისა და საკუთარი მომავლის გადარჩენისთვის“ – ვკითხულობთ განცხადებაში.

განცხადებას ხელს აწერენ:

1. ზაზა გომურაშვილი, ქიმიის მეცნიერებათა დოქტორი, აშშ
2. დავით ჭითანავა, სამოქალაქო ინჟინერი, აშშ
3. ვერონიკა მეტონიძე, ადვოკატი, აშშ
4. ლევან დარჯანია, ბიოლოგიის მეცნიერებათა დოქტორი, აშშ
5. მამუკა გომართელი, უფროსი მეცნიერი, მათემატიკურ მეცნიერებათა დოქტორი, აშშ
6. ნიკოლოზ სხირტლაძე, ხელოვნური ინტელექტისა და მანქანური სწავლების უფროსი მენეჯერი, Samsung, აშშ.
7. რუსუდან ვაშაკიძე, მედია მკვლევარი, აშშ.
8. მაია ადუაშვილი ჟურნალისტი. ნიდერლანდების სამეფო
9. ირინა ზანდუხაძე ემიგრანტი. ფსიქოლოგი. ნიდერლანდების სამეფო
10. ნატალია გაბუნია მევიოლინე. ნიდერლანდების სამეფო
11. ნატალია ჩადუნელი ემიგრანტი. ნიდერლანდების სამეფო
12. თეონა ფალავანდიშვილი, ეკონომისტი, შვეიცარია
13. ვახტანგ აბაშიძე, გერმანია
14. სოფიო კალატოზიშვილი
15. ზაქარია ფურცხვანიძე, გერმანია
16. ნანა ჭავჭანიძე, გერმანია
17. ნუნუკა გოგრიჭიანი, ქიმიკოსი, ნიდერლანდების სამეფო
18. ბიჭაშვილი ლალი ბელგიის სამეფო
19. გიორგი ხარაშვილი, ფიზიკოსი, შვეიცარია
20. ირმა მგელაძე, ფიზიკოსი, შვეიცარია
21. ანა მათიაშვილი, გერმანია
22. ანა ლო ბოსკო, მასწავლებელი, გერმანია
23. თამარ ჩორგოლეიშვილი აღმოსავლეთმცოდნე ნიდერლანდების სამეფო
24. თამარა ბარნოფფ ბარნოვი. ხელოვანი. უნგრეთი
25. თამარი გამყრელიძე, ჰუმანიტარული მეცნიერებების/ახალი ტექნოლოგიები დოქტორი, შრომისა და ორგანიზაციის ფსიქოლოგი, მეცნიერ-მკვლევარი, საფრანგეთი
26. სოფო მაღალაშვილი. მხატვარი. უნგრეთი
27. Ნინო ბჟალავა, Ხელოვანი. Საფრანგეთი
28. თამარ ილურიძე, ჟურნალისტი
29. კონსტანტინე ნაცვლიშვილი, აშშ
30. ზურაბ ქათამაძე, კინორეჟისორი, აშშ
31. გელა ლუკავა, საფრანგეთი
32. ნონა ლუკავა საფრანგეთი
33. ხათუნა ნაცლიშვილი სტეპკოვიჩი, ექიმი-თერაპევტი, აშშ
34. სოფო ჯაჯანაშვილი, PR მენეჯერი, აშშ
35. თინათინ კილაბერიძე, აშშ
36. გიორგი ჭანტურიძე, პროექტის მენეჯერი, აშშ
37. მაკა ქობალია, ქართულ-ამერიკული
38. პროექტის “შინ” დამფუძნებელი, აშშ
39. ლევან ნადირაშვილი, გარემოსდაცვის სპეციალისტი, აშშ
40. ოთარი რურუა, სტუდენტი, ჩეხეთი
41. ელენე თაბაგარი, მუსიკოსი, აშშ
42. ერეკლე ვახრამოვი, იურისპრუდენციის დოქტორანტურის სტუდენტი, აშშ.
43. თეა ხელაია, ჟურნალისტი, სონოგრაფერი. აშშ.
44. მარინა კაიშაური, ასოციაცია თამარიელი
45. ნინო ლოლაძე, სტუდენტი, უნგრეთი
46. ირმა გვილია, სტუდენტი, უნგრეთი.
47. ნინო ბორჩხაძე, აშშ “Unity Fund Georgia” CEO
48. თეა წურწუმია, აშშ
49. ვასილ ცისკარიშვილი, ექიმი
50. ელენე კეკელია, დოქტორი, აშშ.
51. თეკლე ფაცურია, სტუდენტი, იტალია
52. ალექსანდრე ბიტ-სულეიმან, სტუდენტი, საფრანგეთი.
53. მარიამ ბუზიაშვილი, გერმანია
54. ნინო დიდავა. პედაგოგი, გერმანია
55. ნათია ლეპსაია,გერმანია
56. პარმენ მიქაძე, გერმანია, მუსიკოსი
57. ნათია ლურსმანაშვილი, გერმანია
58. მადონა ლიპარტელიანი, გერმანია, საგადასახადო მრჩეველი
59. ნანა ბაღდავაძე, მხატვარი, ვაშინგტონი, აშშ
60. სანდრო თაქთაქიშვილი, ფიზიკოსი, NASA, ვაშინგტონი, აშშ
61. ეთერი ჭკადუა, მხატვარი, აშშ
62. გოჩა ჭკადუა. არტისტი, აშშ
63. გვანცა რიედერ, გერმანია
64. თამარ ბიკაშვილი გერმანია,საფინანსო ინსტიტუტის დაცვის თანამშრომელი
65. მარიამ რაგოვსკაია, აშშ
66. დალი კიკვიძე, აშშ
67. მზია ძამია, აშშ
68. თამარა ბაქრაძე, აშშ
69. დალი წაქაძე, სტუდენტი, აშშ
70. ქეთევან ბაბუხადია აშშ
71. გია ხუროშილი
72. თამარ ტატუნაშვილი
73. ნაზი ხუროშვილი
74. ლია ტროშე
75. ნანა ხიზანიშვილი, პროფესორი, აშშ
76. ირაკლი ხიზანიშვილი, მსახიობი, აშშ
77. ივანე ნანობაშვილი, სტუდენტი, ბელგია
78. მაკა გიგაური, აშშ კალიფორნია
79. თეონა გოგიჩაიშვილი, ხელოვანი, კურატორი, დოცენტი, გერმანია
80. გულნარი მჭედლიშვილი, შვედეთი
81. ლაშა გოგოძე, შვედეთი
82. ნანა ტოგონიძე, შვედეთი
83. გიორგი სეხნიაშვილი, შვედეთი
84. მალხაზ კვამლაძე, გერმანია
85. მაია ღონღაძე, იტალია
86. ლია ბალახაშვილი, იტალია
87. სოფიკო ბაკურიძე, შვედეთი
88. ანი გამყრელიძე, შვედეთი
89. ანა ხარძიანი, იურისტი, გერმანია
90. ცოტნე ოქროსცვარიძე ,პროგრამული უზრუნველყოფის ინჟინერი, ნიდერლანდები
91. სოფიო კუბლაშვილი, ექთანი, გერმანია
92. ტატო ტარუღაშვილი, აშშ
93. ციცინო ჩალახეშაშვილი იტალია
94. მაია შუბერტი, სტომატოლოგიის დენტალ ჰიგიენისტი, გერმანია
95. თაზო კუპრეიშვილი, ჟურნალისტი, აშშ
96. ანა მდინარაძე, ექთანი, გერმანია
97. ნინო ბაისონაშვილი, ოპალის უნივერსიტეტის შედარებითი ლიტერატურის მაგისტრი, ამავე უნივერსიტეტის ფრანგული ენის და ლიტერატურის დოქტრორანტი, პარიზი, საფრანგეთი
98. ნინო სალუქვაძე-კვაჭანტირაძე , ხელოვანი, შვედეთი
99. ელზა გორგიძე, საბერძნეთი
100. ია მერკვილაძე, ჟურნალისტი, აშშ

განცხადება ღიაა, სია ახლდება.

_______________

ფოტოზე: საპროტესტო აქცია თბილისში, 29 ნოემბერი