20-24 აგვისტოს ქობულეთში, ქედაში, ხულოსა და ბათუმში სამოქალაქო საზოგადოების ინსტიტუტი კამპანიის -„ეს ქვეყანა შენიას“ ფარგლებში ახალგაზრდებს შეხვდება.
ახალგაზრდებს შეხვდებიან მწერლები: ნესტან ნენე კვინიკაძე და ტორესა მოსი, იუმორისტი ნიკა ქავთარაძე და ფოტოგრაფი გურამ წიბახაშვილი.
განრიგი ასეთია:
- ქობულეთი – 20 აგვისტო, 14 საათი, „იალქანის“ ახალგაზრდული ცენტრი
- ქედა – 21 აგვისტო, 14 საათი, სათემო განათლების ცენტრი
- ხულო – 22 აგვისტო, 15 საათი, სასტუმრო „ხულო ინნ“
- ბათუმი – 23 აგვისტო, 13 საათი, სასტუმრო „ლე პორტი“, გოგებაშვილის 30
შეხვედრების მიზანია სამოქალაქო საზოგადოების ღირებულებების დამკვიდრება, საზოგადოებრივი ორგანიზაციების როლისა და ფუნქციის, მათი საქმიანობის წარმოჩენა და სამოქალაქო აქტივიზმის პოპულარიზაცია.
შეხვედრაზე ასევე ისაუბრებენ უკვე ტრადიციული კონკურსის – „ეს ქვეყანა შენიას“ შესახებ, რომელიც სულ ახლახან გამოცხადდა და იმართება მთელი ქვეყნის მასშტაბით.
კონკურსში მონაწილეობის მიღება შეუძლია ნებისმიერ ახალგაზრდას ან ახალგაზრდების ჯგუფს. მათ შორის, სტუდენტებს და სკოლის მოსწავლეებს (ასაკი 30 წლამდე). ჯგუფური განაცხადის შემთხვევაში, ჯგუფის წევრების რაოდენობა არ უნდა აღემატებოდეს 5 ადამიანს. მოსწავლეების შემთხვევაში თითოეულ ჯგუფს შესაძლოა ჰყავდეს ერთი კურატორ-მასწავლებელი. 2024 წელს კონკურსის დასახელებაა – „დადექი ისტორიის სწორ მხარეს“.
კამპანიას უძღვება სამოქალაქო საზოგადოების ინსტიტუტი, ევროკავშირისა და კონრად ადენაუერის ფონდის მიერ დაფინანსებული პროექტის – „სამოქალაქო საზოგადოების ინიციატივის“ ფარგლებში.
