დღეს, 2 აგვისტოს, ბათუმში გაზის მიწოდება შეუწყდა ქალაქის სხვადასხვა ქუჩაზე მცხოვრები აბონენტების ნაწილს.
კომპანია „სოკარის“ ცნობით, გაზის შეწყვეტის მიზეზი ავარიული დაზიანება გახდა.
„სოკარის“ ცნობით, გაზი შეუწყდა:
აკაკი წერეთლის, იმედაშვილის, ჟორდანიას, სტეფანე ზუბალაშვილის, რუსთაველის, ვახტანგ გორგასლის, მემედ აბაშიძის, ირაკლი აბაშიძის, რევაზ კომახიძის, ბაქოს, ბარათაშვილის, ზვიად გამსახურდიას, გოგებაშვილის, დუმბაძის, ეგნატე ნინოშვილის, თბილისის, რაულ ვალენბერგის, თენგიზ მაქაცარიას, ფარნავაზ მეფის, შავშეთის, ხულოს, კონსტანტინე გამსახურდიას, ქუთაისის, ახმეტელის, ახმედ მელაშვილის, 9 აპრილის, გენერალ მაზნიაშვილისა და საიათნოვას ქუჩებზე მცხოვრებ 4363 აბონენტს.
„სოკარის“ ცნობით, საავარიო ჯგუფი ადგილზე მუშაობს და ბუნებრივი გაზის მიწოდება ეტაპობრივად აღდგება 2 აგვისტოს 18:30 საათიდან და დასრულდება 03 აგვისტოს დღის ბოლომდე.
„სოკარ ჯორჯია გაზი” აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები და უყურადღებოდ არ დატოვონ გაზის დანადგარები.
