Batumelebi | ჰოლივუდი ,,ფორსაჟის” გადაღებებზე საქართველოში 13 მილიონ ლარს დახარჯავს ჰოლივუდი ,,ფორსაჟის” გადაღებებზე საქართველოში 13 მილიონ ლარს დახარჯავს – Batumelebi
RU | GE  

ჰოლივუდი ,,ფორსაჟის” გადაღებებზე საქართველოში 13 მილიონ ლარს დახარჯავს

„ცნობილი ჰოლივუდური ბლოგბასტერის, ფორსაჟის მეცხრე სერის გადაღებები თბილისში რამდენიმე დღეში დაიწყება. ჰოლივუდი გადაღებების დროს 13 მილიონ ლარს დახარჯავს საქართველოში” – განაცხადა სააგენტოს ,,აწარმოე საქართველოში“ – ხელმძღვანელმა მიხეილ ხიდურელმა დღეს, 16 აგვისტოს, გამართულ პრესკონფერენციაზე.

HBO-სა და Universal Pictures-ის გადაღებებზე ქართული კინოინდუსტრიიდან 400 ადამიანი დასაქმდება, ჯამში კი, ჰოლივუდური კინოგადაღებები 1000 ადამიანს დაასაქმებს.

პრესკონფერენციაზე თბილისის მერის მოადგილემ, სოფო ხუნწარიამაც ისაუბრა იმის შესახებ, რომ არსებობს სპეციალური სტატისტიკაც ტურისტების რაოდენობის  მატების შესახებ ამა თუ იმ ქალაქში მსგავსი ბლოგბასტერების გადაღების შემდეგ.

„თბილისი და ზოგადად, საქართველო მოხვდება მნიშვნელოვანი კინოინდუსტრიების ფოკუსში და ეს არ იქნება უკანასკნელი ბლოგბასტერი, რომელსაც საქართველოში გადაიღებენ,”- ამბობს თბილისის მერის მოადგილე.

,,ფორსაჟის” მეცხრე სერიას ჰოლივუდი თბილისში გადაიღებს  პროგრამის ფარგლებში „გადაიღე საქართველოში“, რომელსაც სააგენტო „აწარმოე საქართველოში“ ეროვნულ კინოცენტრთან ერთად ახორციელებს.

ნეტგაზეთის მასალების სხვა გამოცემებში გადაბეჭდვის წესი
ავტორი
თამარ ნერგაძე არის "ბათუმელების" რეპორტიორი 2017 წლის ოქტომბრიდან. ტელ.: 568 81 41 75 / E-mail.: tamarnergadze123@gmail.com