ბათუმელები
თურქეთის რესპუბლიკის მოქალაქეებს თურქეთის მხარე საქართველოში ამ დრომდე არ უშვებს.
ბათუმში თურქეთის გენერალური საკონსულოს ინფორმაციით, თურქეთის რესპუბლიკის მოქალაქეებისთვის საქართველოში შემოსვლა თურქეთის მხარემ შეზღუდა და როდემდე გაგრძელდება ეს შეზღუდვა, ჯერჯერობით, უცნობია.
აღნიშნული ზომები 15-16 ივლისს, თურქეთში მომხდარ სამხედრო გადატრიალების მცდელობას უკავშირდებოდა. გადატრიალების მცდელობა თურქეთის ხელისუფლებამ აღკვეთა.
18 ივლისს ბათუმის შოთა რუსთაველის უნივერსიტეტში მიმდინარე რექტორის არჩევნებზე რექტორობის კანდიდატმა ანთაზ ქიქავამ საკუთარი კანდიდატურა მოხსნა.
მან აკადემიური საბჭოს სხდომა ჟურნალისტებთან კომენტარის გარეშე დატოვა.
ამჟამად აკადემიური საბჭო რექტორობის მეორე კანდიდატის, მერაბ ხალვაშის სამოქმედო გეგმას ისმენს. მხოლოდ ამის შემდეგ გადაწყდება კენჭისყრის პროცედურა.
რექტორის არჩევნებში ორი კანდიდატი მონაწილეობდა, რექტორის მოვალეობის შემსრულებელი მერაბ ხალვაში და ამავე უნივერსიტეტის გეოგრაფიის დეპარტამენტის ხელმძღვანელი, ანთაზ ქიქავა.
ბსუ-ს რექტორს უნივერსიტეტის აკადემიური საბჭო ოთხი წლის ვადით ირჩევს.
ბათუმის შოთა რუსთაველის სახელმწიფო უნივერსიტეტში, რექტორის არჩევნები მიმდინარეობს. არჩევნებში ორი კანდიდატი მონაწილეობს, რექტორის მოვალეობის შემსრულებელი მერაბ ხალვაში და ამავე უნივერსიტეტის გეოგრაფიის დეპარტამენტის ხელმძღვანელი, ანთაზ ქიქავა.
მერაბ ხალვაში რექტორის მოვალეობას 2015 წლის 8 აპრილიდან ასრულებს. შარშან დაგეგმილი რექტორის არჩევნები ჩაიშალა. მაშინ არჩევნებში ოთხი კანდიდატი მონაწილეობდა, ერთ-ერთი ანთაზ ქიქავა იყო. მაშინდელმა ვერცერთმა კანდიდატმა საკმარისი ხმები ვერ დააგროვეს.
მერაბ ხალვაში ჩაშლილი არჩევნების შემდეგ აირჩიეს მოვალეობის შემსრულებლად, მან 299-დან 107 ხმა მიიღო.
ბსუ-ს რექტორს უნივერსიტეტის აკადემიური საბჭო ოთხი წლის ვადით ირჩევს.
„პრობლემა არის, მაგრამ უფრო მოსწავლეების და რატომ. მე ვსწავლობდი საბჭოთა სკოლაში, იქ იყო ლაბორატორია, მაგრამ გვეუბნებოდნენ: „არ შეხვიდეთ, ხელი არ ახლოთო“. ლაბორატორია ვერ მოვა და ბავშვს ვერ ასწავლის, ბავშვს ასწავლის მასწავლებელი და იმ შემთხვევაში, თუ ბავშვს უნდა სწავლა.
ბავშვებს სწავლა რომ უნდოდეთ, YouTube-ზე ნახავდნენ ცდებს და იქ ისწავლიდნენ. ბავშვს თუ არ უნდა სწავლა, პედაგოგობა რთულია“ – განაცხადა ალექსანდრე ჯეჯელავამ „ბათუმელებთან“.
საქართველოს განათლების მინისტრთან ვრცელი ინტერვიუ „ბათუმელების“ დღევანდელ ნომერში გამოქვეყნდა.
ხვალ, 18 ივლისს, ბათუმში, შოთა რუსთაველის სახელმწიფი უნივერსიტეტში რექტორის არჩევნები გაიმართება. არჩევნებში ორი კანდიდატი მონაწილეობს: მერაბ ხალვაში და ანთაზ ქიქავა.
აჭარის მთავრობის ახალმა თავმჯდომარემ, ზურაბ პატარაძემ უპასუხა „ბათუმელების“ შეკითხვას, ლობირებს თუ არა მთავრობა რომელიმე კანდიდატს:
„უნივერსიტეტი არის თავისუფალი, რა თქმა უნდა. ყველანაირი ზეწოლა გამორიცხულია, მივესალმებით უნივერსიტეტის გადაწყვეტილებას, ჩვენ აბსოლუტურად არ ვერევით ამ პროცესში,“ – განაცხადა ზურაბ პატარაძემ.
აჭარის მთავრობის თავმჯდომარესთან ვრცელი ინტერვიუ „ბათუმელების“ ხვალინდელ ნომერში გამოქვეყნდება.
ბათუმში, ინასარიძის ქუჩაზე გირავდება 77 კვ/მ ევრორემონტით უზრუნველყოფილი ბინა. ფასი: 22 ათასი აშშ დოლარი.
ბათუმში, ხიმშიაშვილის ქუჩაზე ქირავდება 45 კვ/მ ევრორემონტით უზრუნველყოფილი ბინა დღიურად. ფასი: 100 ლარი.
ბათუმში, კობალაძის ქუჩაზე ქირავდება 85 კვ/მ ევრორემონტით უზრუნველყოფილი ბინა დღიურად. ფასი: 130 ლარი.
ბათუმში, გორგილაძის ქუჩაზე ქირავდება 140 კვ/მ ევრორემონტით უზრუნველყოფილი ბინა დღიურად. ფასი: 100 აშშ დოლარი.
ბათუმში, გორგილაძის ქუჩაზე, (ყოფილი გორკის) ქირავდება 120 კვ/მ ევრორემონტით უზრუნველყოფილი ბინა დღიურად. ფასი: 100 აშშ დოლარი.
კახა გოგოლაშვილი (ევროპული კვლევების ცენტრის ხელმძღვანელი): ჩვენ გვჭირდება გაწევრიანება იმისთვის, რომ ჩვენზე თავდასხმისგან თავი შეიკავონ. მაგრამ, ამ ეტაპზე პირიქით არის. გაწევრიანების მცდელობა ჩვენს მტერს პრევენციული შეტევის განხორციელებისკენ უბიძგებს. ღვინოს ხომ არ ასხამენ ჭურებში როცა ის დუღს, არამედ, რომ დაცხრება მერე, პოლიტიკაშიც ასეა საჭირო…
სტრატეგიული და საერთაშორისო ურთიერთობების კვლევის ფონდის უფროსი მეცნიერ-თანამშრომელი და ევროპული კვლევების ცენტრის ხელმძღვანელი კახა გოგოლაშვილი საზოგადოებისთვის ვარშავის სამიტის ერთგვარ შეფასებას გვთავაზობს:
„საქართველომ ნატოში მისი გაწევრიანების ძალისხმევის საქმეში სრული მხარდაჭერის დაპირება მიიღო. სამ წევრობის ასპირანტ ქვეყანას შორის საქართველო პირველია მოხსენიებული, მიუხედავად იმისა, რომ მაკედონია და ბოსნია ოფიციალური კანდიდატები არიან და „მაპი“ შესაბამისად 1999 და 2010 წელს მიენიჭათ. ქვეტექსტი აშკარად მიანიშნებს იმაზე, რომ მაპის ფლობა არ წარმოადგენს რაიმე პრიორიტეტს გაწევრიანების საქმეში. სამიტის დეკლარაციის ოთხი მოცულობითი პარაგრაფი მარტო საქართველოს ეძღვნება, რაც არც ერთ ქვეყანას არ დაუმსახურებია, გარდა უკრაინისა (რომელზეც ფოკუსი, ძირითადად, ყირიმისა და აღმოსავლეთ უკრაინის კრიზისის გამოა გამახვილებული).
ნატოს საერთაშორისო ოპერაციებში მონაწილეობა შეფასებულია, როგორც ქართველი ხალხის მიერ „საერთო უსაფრთხოებისთვის თავგანწირვა“ (არც ერთი სხვა ქვეყნის წვლილი არ შეუფასებიათ ასეთი განსაკუთრებული ფორმით!);
წლიური სამოქმედო გეგმის შესრულების მაღალი ხარისხი, არსებითი პაკეტის ფარგლებში წარმატებული თანამშრომლობა;
ფართო თანამშრომლობა თავდაცვისუნარინობის გაძლიერების ინიციატივაში;
დაპირება, რომ საქართველოს დაეხმარებიან საჰაერო თავდაცვის, დაზვერვისა და დაკვირვების შესაძლებლობების განვითარებაში;
შავი ზღვის უსაფრთხოების უზრუნველყოფაში ნატოს აქტიური ჩართვა საქარველოსა და უკრაინის მონაწილეობით (რაც ჩვენი უსაფრთხოების მნიშვნელოვანი ინტერესია);
მტკიცება იმისა, რომ საქართველოს სამოქმედო გეგმა შეიცავს ნატოში რეალური გაწევრიანებისთვის მოსამზადებლად ყველა საჭირო ინსტრუმენტს (ნატოს წევრობა _ ტერმინი რამდენჯერმეა გამოყენებული);
აშკარად სჩანს, რომ საქართველომ დაიმსახურა ალიანსის განსაკუთრებული ყურადღება სამიტზე და მას შეუძლია სწრაფად გაწევრიანდეს ნატოში, როგორც კი უსაფრთხოებისა და გეოპოლიტიკური რეალობები ამის საფუძველსა და შესაძლებლობას მისცემს.
კახა გოგოლაშვილი, უსაფრთხოებისა და გეოპოლიტიკური რეალობის არსის შესახებ, მკითხველის კითხვას პასუხობს:
კახა გოგოლაშვილი: ნატო კოლექტიური თავდაცვის ალიანსია, რომელიც ქვეყნების ინდივიდულური ინტერესების თანხვედრაზეა დამოკიდებული. მთავარი ინტერესი _ ინდივიდუალური უსაფრთხოებაა, მაგრამ ამ ინტერესის რეალიზაციის მეტ შესაძლებლობას სწორედ კოლექტიური სოლიდარობა იძლევა.
ალიანსის გაფართოება, ახალი წევრის მიღება სამ რამეზეა დამოკიდებული – აპლიკანტი ქვეყნის ნებასა და მზადყოფნაზე, ალიანსის (მის წევრების კოლექტიურ) ინტერესზე და ალიანსის უსაფრთხოებაზე, გაფართოების მოსალოდნელ ზეგავლენაზე. თუ ეს სამივე ფაქტორი დადებითია, მაშინ გაფართოება ადვილად მიმდინარეობს. ასე ხდება მონტენეგროს შემთხვევაში, მაგრამ, თუ რომელიმე არ არის სრულად წარმოდგენილი, შესაძლოა საკითხი დაიხუროს ან გადავადდეს. ჩვენ შემთხვევაში მესამე ფაქტორი – ალიანსის უსაფრთხოებაზე გავლენა ამ ეტაპზე უარყოფითია და ის გადაწონის ორ დანარჩენ ფაქტორს, ამიტომ ალიანსი, ისევე, როგორც თვით საქართველო არ არიან დაინტერესებული, რომ მაღალი რისკების პირობებში მოახდინონ საკითხის ფროსირებულად გადაწყვეტა. რადგანაც დიდია პირველი და მეორე ფაქტორები (ნება და ინტერესი), საკითხი არ დაიხურება, ის მოითხოვს, რომ ალიანსმა და საქართველომ აქტიურად იმუშაონ რისკების (კერძოდ, რუსეთიდან მომავალი) შემცირებაზე, ამიტომ თავდაცვის უნარიანობის გაძლიერება, საჰაერო და საზღვაო თავდაცვის ჩათვლით, კრიზისების მართვის სფეროში გაძლიერებული დახმარება, პირდაპირ ზრდის საქართველოს “გამძლეობას” (რესილიენცე), ნაკლებად მოწყვლადს ხდის უცხოური აგრესიის მიმართ და ამცირებს ალიანსის საქართველოს გამო ომში ჩათრევის რისკებს. ეს მხოლოდ ერთი კომპონენტია იმ ზომებისა, რომელმაც უნდა შეცვალოს უსაფრთხოებისა და გეოპოლიტიკური რეალობა. სხვა კომპონენტები რუსეთ-დასავლეთის ურთიერთობების დინამიკასთან და თვით რუსეთის ევოლუციასთან არის დაკავშირებული. ასევე უნდა ვივარაუდოთ ალიანსის ინტერესის ზრდა (სწორედ გრძელვადიანი უსაფრთხოების ამოცანების კონტექსტში) საქართველოს ინტეგრირებით, რეგიონში მიმდინარე პროცესების გათვალისწინებით. დროის პროგნოზი აქ შეუძლებელია, მაგრამ, ყველაფრის დაჩქარება ნამდვილად შესაძლებელია.
„რეჩპოსპოლიტას ფრთებქვეშ – ქართული ემიგრაცია პოლონეთში 1921-1939“
ვარშავის სამიტის სტუმრებს პოლონეთმა საქართველოს უახლეს ისტორიასთან დაკავშირებული ღირსშესანიშნავი საჩუქარი მოუმზადა.
წიგნი, ალბომი „რეჩპოსპოლიტას ფრთებქვეშ – ქართული ემიგრაცია პოლონეთში, 1921-1939“ პოლონეთში მოღვაწე დოქტორ დავით ყოლბაიას ავტორობით, ვარშავის უნივერსიტეტის აღმოსავლეთ ევროპის კვლევების ცენტრისა და პოლონეთის საგარეო საქმეთა სამინისტროს ერთობლივი მხარდაჭერით გამოიცა.
წიგნის ავტორი საქართველოს ისტორიაზე, პოლონეთში ქართული ემიგრაციის ცხოვრებასა და მათი ჩასვლის გზებსა და მიზეზებზე მოგვითხრობს.
კრებული ქართველი იუნკრების შესახებ, პოლონეთის მეორე რესპუბლიკის მფარველობაში მიღებიდან 95 და საქართველოს დამოუკიდებლობის 25 წლის თავთან დაკავშირებით გამოიცა.
საქართველო – პრეიოსტორია, ქვეყნის დამწერლობა, ღირსშესანიშნაობები, სახელმწიფოს შიდა და საგარეო პოლიტიკა – ავტორი არც ერთ საკითხს არ ტოვებს ყურადღების მიღმა და გულდასმით მიმოიხილავს იმდროინდელი საქართველოს შიდა თუ საერთაშორისო განვითარების უცნობ დეტალებს. ავტორი უნიკალური ფოტომასალით მკითხველს აცნობს იმ ქართველ ემიგრანტებს, რომლებმაც საქართველოში წითელი არმიის შემოსვლის შემდეგ, სამშობლო დატოვეს და ცხოვრება პოლონეთს მჭიდროდ დაუკავშირეს.
პოლონეთმა ქართველ იუნკრებსა და სამხედროებს თავშესაფარი მისცა, პოლონურმა სამხედრო სამსახურმა კი უზრუნველყო მათი მაღალი საზოგადოებრივი მდგომარეობა. ვარშავის უნივერსიტეტის აღმოსავლეთ ევროპის კვლევების ცენტრის დირექტორი იან მალიცკი აღნიშნავს: „მიუხედავად ქართველ მებრძოლთა ყოველდღიური ცხოვრებისეული კუთხით წარმოჩენისა, ფოტოებზე ნათლად ჩანს, რომ არ შენელებულა მათი სიამაყე და ღირსება. მათ ხომ ჯერ დამპყრობელთაგან გადაირჩინეს თავი, შემდეგ ცხვრება ახალ სამშობლოში დაიწყეს, ხოლო მეორე მსოფლიო ომის დროს მეორე სამშობლოსათვის გაწირეს თავი”. „რეჩპოსპოლიტა დაეხმარა მათ ვისაც ეს სჭირდებოდა, მხარდაჭერა და ზრუნვა არ მოუკლია მათთვის. თავის მხრივ, ქართველებმაც ცდა არ დააკლეს – ერთგულებითა და თავგანწირვით იბრძოდნენ მეორე მსოფლიო ომის დროს, საბჭოთა ციხეებსა და კატინში, შემართებით, საკუთარი სიცოცხლის გაღებით, მადლიერება გამოხატეს ახალი სამშობლოს მიმართ”.
„ამ მემორანდუმით ამერიკელები ჩვენთან ერთად იღებენ პასუხისმგებლობას, დაგვეხმარონ, ექსკლუზიურად, ჩვენი ამოცანების, ჩვენი შიდა პრობლემების, შიდა საჭიროებების გადაწყვეტაში, ეფექტურ მართვასა და შეიარაღებაში“, – განაცხადა თინათინ ხიდაშელმა და აღნიშნა, რომ ტერიტორიული მთლიანობის დასაცავად აშშ საქართველოს დახმარებას ჰაერშიც, წყალზეც და მიწაზეც გაუწევს.
„ეს არის ყველაზე მნიშვნელოვანი შეთანხმება, რაც კი ოდესმე საქართველოს და მის სტრატეგიულ პარტნიორს, ამერიკის შეერთებულ შტატებს ჰქონიათ“, – ასე შეაფასა საქართველოს თავდაცვის მინისტრმა საქართველო-აშშ-ს შორის გაფორმებული მემორანდუმი, რომელსაც ხელი 2016 წლის 6 ივლისს, ქვეყანაში აშშ-ის სახელმწიფო მდივნის, ჯონ კერის ვიზიტის დროს მოეწერა.
თავად ჯონ კერი ხელმოწერილ მემორანდუმს მაღალ შეფასებას აძლევს და აღნიშნავს, რომ მემორანდუმი მოიცავს თავდაცვისა და სხვა შესაბამისი აღჭურვილობის შესყიდვის თემებს. „ეს საქართველოს შეიარაღებული ძალების თავსებადობას, თავდაცვისუნარიანობას, ეფექტურობას გაზრდის. დამხმარე მექანიზმი იქნება განათლების სფეროში, იგულისხმება საოპერაციო და ტექნიკური სფერო. დოკუმენტი მოგვცემს საშუალებას, საუკეთესო პრაქტიკები დავნერგოთ თავდაცვის სფეროში და შემდგომ მოვემზადოთ ნატოს მიმართულებების განსახორციელებლად”.
თინათინ ხიდაშელის განცხადებით, ფაქტი ისტორიულია, რადგან საქართველომ 25-წლიანი თანამშრომლობის განმავლობაში პირველად მოაწერა ხელი მემორანდუმს, რომელიც საქართველოს ტერიტორიული თავდაცვის საქმეში ამერიკული მხარის დახმარებას ითვალისწინებს.
„საქართველოს შეიარაღებული ძალების დახმარების აქცენტი წლების განმავლობაში დაკავშირებული იყო საერთაშორისო მისიებთან და მიბმული იყო საქართველოს ნატოში გაწევრიანების გეგმებთან. დღეს დამატებით მივიღეთ შეთანხმება, რომლის ამოცანა ქართული სახელმწიფოს მიერ საკუთარი ტერიტორიული თავდაცვის მიზნების განხორციელებაში ამერიკული მხარის ფუნდამენტური და მნიშვნელოვანი დახმარების მიღებაა. ეს არის ამ მემორანდუმის ყველაზე მთავარი გზავნილი“, – განაცხადა საქართველოს თავდაცვის მინისტრმა მთავრობის კანცელარიაში ჟურნალისტებთან საუბრისას და აღნიშნა, რომ საქართველო-აშშ-ის შეთანხმების თანახმად, თანამშრომლობა სამი მთავარი მიმართულებით განხორციელდება. მოქმედების კონკრეტული გეგმა კი, 2016 წლის ივლისის შუა რიცხვებში დაგეგმილი შეხვედრების დროს გაიწერება.
თავდაცვის მინისტრი მემორანდუმის ძირითად საკითხთა ჩამონათვალს აკეთებს:
„2008 წლის აგვისტოს შემდეგ საქართველოზე იარაღის შესყიდვასთან დაკავშირებით ერთგვარი ემბარგო იყო დაწესებული. ბატონმა სახელმწიფო მდივანმა ხაზგასმით აღნიშნა, რომ, ამ თვალსაზრისით, მხარდაჭერა იქნება ერთ-ერთი პირველი რიგის ამოცანა შეთანხმების შემდეგ;
მეორე, ეს არის ტექნიკური პროცედურის მომზადება, რაც ასევე დიდი ხანია არ ყოფილა, ბუნებრივია, საუბარია სამხედრო სფეროზე;
მესამეა სპეციალური პროგრამები, რომლებიც, სწორედ, ქვეყნის ტერიტორიული თავდაცვის მიზნით დაიგეგმება ამერიკულ მხარესთან”.
ქარტიის თავდაცვისა და უსაფრთხოების სხდომა ვაშინგტონში 2016 წლის 20 ივლისს იგეგმება. თავდაცვის მინისტრის აზრით 2016 წლის ბოლომდე მემორანდუმის განხორციელების პროცესი უნდა დაიწყოს. „ამ მემორანდუმით ამერიკელები ჩვენთან ერთად იღებენ პასუხისმგებლობას, დაგვეხმარონ, ექსკლუზიურად, ჩვენი ამოცანების, ჩვენი შიდა პრობლემების, შიდა საჭიროებების გადაწყვეტაში, ეფექტურ მართვასა და შეიარაღებაში“, – განაცხადა თინათინ ხიდაშელმა და აღნიშნა, რომ ტერიტორიული მთლიანობის დასაცავად აშშ საქართველოს დახმარებას ჰაერშიც, წყალზეც და მიწაზეც გაუწევს”.
ჯონ კერის ვიზიტისა და აშშ-სთან მემორანდუმის გაფორმების შემდეგ, საზოგადოებაში მის შინაარსსა და ძირითად კომპონენტებზე გაჩენილი კითხვების საპასუხოდ თავდაცვის მინისტრმა ტელეკომპანია TV 1-ის ეთერში ჟურნალისტის კითხვებს უპასუხა.
თინა ხიდაშელი: „ზუსტ დროს, ვარშავის სამიტამდე ორი დღით ადრე, ზუსტ ადგილზე, ოკუპაციის ქვეშ მყოფი ქვეყნის, საქართველოს დედაქალაქიდან, ზუსტი გზავნილი, რომ აშშ პირველად ჩვენი სტრატეგიული პარტნიორობის 25-წლიანი ისტორის განმავლობაში, გადადის საქართველოსთან თვისობრივად ახალ ურთიერთობებზე, დაგვეხმაროს, საქართველოს თავდაცვისუნარიანობის, საქართველოს წინაშე მდგომი გამოწვევების წინააღმდეგ ქართული შეიარაღებული ძალების გაძლიერებაში. რას ნიშნავს ეს? ჩვენ აქამდე ბევრი სხვადასხვა მიმართულებით ვთანამშრომლობდით, მაგრამ ამ თანამშრომლობის მთავარი ქოლგა იყო ის, რომ აშშ ჩვენ გვეხმარებოდა საერთაშორისო მისიებისთვის, გვეხმარებოდა ჩვენი შეიარაღებული ძალების მზადყოფნის გასაძლიერებლად სწორედ ამ მისიებში სამსახურისთვის“.
„ეს არის თვისობრივად ახალი ეტაპი ამ სტრატეგიულ პარტნიორობაში. რა თქმა უნდა, სასარგებლოა და უკიდურესად მნიშვნელოვანი ჩვენთვის, მაგრამ თვისობრივად ახალი იმიტომაც, რომ ამით აშშ უკვე ხდება სტრატეგიული პარტნიორი ამოცანების, პრობლემების, წინააღმდეგობების გადალახვის გზაზე და ძალიან მნიშვნელოვანია, რომ ეს ყველაფერი ხდება ვარშავის სამიტამდე ორი დღით ადრე“.
„ამერიკა არ არის ერთადერთი ქვეყანა რომელთანაც ჩვენ ვთანამშრომლობთ და ვპარტნიორობთ, მაგრამ ბუნებრივია ეს ისტორიულად ასე ჩამოყალიბდა, რომ ამერიკის შეერთებული შტატები ჩვენი მთავარი პარტნიორია“.
16 ივლისს, შავი ზღვის რიგით მე-10 ჯაზ ფესტივალის ფარგლებში, ბათუმის ჩოგბურთის კლუბში მაილს ელექტრიკ ბენდის (MILES ELECTRIC BAND) კონცერტი გაიმართა.
11 მუსიკოსისგან დაკომპლექტებულიმა ბენდმა მაილს დევისის დისშვილის, მუსიკოსი ვინს უილბერნის ხელმძღვანელობით, მაილს დევისის „ელექტრონული პერიოდის“ მუსიკა დაუკრა.
ბენდის შემადგელობაში შედიან არიან გრემის ორი ნომინანტი – ჯონ ბიზლი და რობერტ ირვინგ III (John Beasley and Robert Irving III) – კლავიში; გრემის ნომინანტი ბედელ როი ( Badal Roy) – ტაბლა; ლეგენდარული ბლექბირდ მაკნაითი (Blackbyrd McKnight) – გიტარა; მუნიუნგო ჯექსონი (Munyungo Jackson) – პერკუსია და გრემის მფლობელი ვინს უილბერნი უმცროსი (Vince Wilburn, Jr.) – დრამი.
17 ივლისს აჭარაში მცხოვრებ იპოთეკით დაზარალებულ პირებს აჭარის მთავრობის ახალი თავმჯდომარე ზურაბ პატარაძე დღეს მეორედ შეხვდა აჭარის მთავრობის სახლთან. აქციის მონაწილეების თქმით, მთავრობის თავმჯდომარე მათ მომავალ კვირას შეხვდება და დაწვრილებით გაესაუბრება.
იპოთეკით დაზარალებულთა აქციის მონაწილეები ამბობენ, რომ ისინი მთავრობის სახლთან კარვის გაშლას აპირებდნენ, თუმცა რადგან პატარაძისგან შეხვედრის და მათი პრობლემების მოსმენის პირობა მიიღეს, კარავს აღარ გაშლიან. იპოთეკით დაზარალებულები ამბობენ, რომ თუ მთავრობის თავმჯდომარე პირობას დაარღვევს, ისინი კარავს გაშლიან და აქცია გაგრძელდება.
ბათუმში მცხოვრები, იპოთეკით დაზარალებული 100-მდე ოჯახი აჭარის მთავრობასთან მოლაპარაკებებს 2012 წლის საპარლამენტო არჩევნების შემდეგ აწარმოებს. იპოთეკით დაზარალებულები რამდენჯერმე შეხვდნენ აჭარის მთავრობის ყოფილ თავმჯდომარეს, არჩილ ხაბაძეს, თუმცა – ამაოდ.
17 ივლისს, ბათუმში, ფონდმა „იალქანმა“ და „ძალადობისგან დაცვის ეროვნულმა ქსელმა“ ოჯახში ძალადობის წინააღმდეგ აქცია გამართეს.
ორგანიზატორების განცხადებით აქციის ფარგლებში ღონისძებები ოჯახში ძალადობის წინააღმდეგ მთელი კვირის მანძილზე გაგრძელდება, გამართავენ შეხვედრებს სხვადასხვა სფეროში წარმატებულ ქალებთან, ხოლო მომავალ კვირას ღონისძიებების ციკლი უფრო ფართომასშტაბიანი აქციით დასრულდება.
2016 წლის 8-9 ივლისს პოლონეთის რესპუბლიკაში, ქ. ვარშავაში, ნატოს სამიტი გაიმართა
საქართველოს მოსახლეობა და სამოქალაქო საზოგადოება სამიტის შედეგებს განსაკუთრებული ინტერესით ელოდა. შედეგი ასეთია: ვარშავის სამიტმა წარმატებით ჩაიარა და სამიტის კომუნიკეს შეფასების დროც დადგა. შეფასებები გაკეთდა მედიაში, სამთავრობო და საერთაშორისო სტრუქტურებში, საზოგადოებაში.
აღსანიშნავია, რომ 8 ივლისს ვარშავის სამიტზე საგარეო საქმეთა მინისტრების დონეზე ნატო-საქართველოს კომისიის სხდომაც ჩატარდა. ეს იყო ნატოს სამიტის ფარგლებში გამართული ნატო-საქართველოს კომისიის პირველი სხდომა. სხდომაზე ერთობლივი განცხადება მიიღეს, რომელშიც აღნიშნულია საქართველოსა და ნატოს შორის არსებული თანამშრომლობის პროგრესი და პრიორიტეტები, ასევე საერთაშორისო უსაფრთხოების საკითხები.
ერთობლივ განცხადებაში განისაზღვრა პრაქტიკული ნაბიჯები, რომლებიც გააძლიერებენ საქართველოს თავდაცვისუნარიანობას და მეტად დაცულს გახდიან ჩვენს ქვეყანას.
მოკავშირეებმა აღიარეს, რომ ამ ეტაპზე ნატოს და საქართველოს აკავშირებს უპრეცედენტოდ ღრმა და ყოვლისმომცველი ურთიერთობები.
სამიტის დასრულების შემდეგ თინათინ ხიდაშელმა ჩრდილო-ატლანტიკურ საბჭოზე სახელმწიფოს მეთაურების მიერ მიღებული კომუნიკე შეაფასა და რამდენიმე მნიშვნელოვანი საკითხი გამოყო:
„ამ კომუნიკეს სიახლე ყველა წინა დოკუმენტებთან შედარებით, რომელშიც საქართველო ყოფილა მოხსენიებული, ის არის, რომ გარდა იმ ნაწილებისა, რომელიც უშუალოდ ეხება საქართველოს, სადაც საუბარია საქართველოს პროგრესზე, წარმატებაზე, ნატოსთან თავსებადობაზე, ავღანეთის მისიაში ქართველი სამხედროებისთვის და ქართველი ხალხისათვის მადლობის გადახდაზე კონტრიბუციისთვის, საქართველო, როგორც გამჭოლი გასდევს მთელ ტექსტს. მთელი ტექსტის განმავლობაში თქვენ სხვადასხვა ადგილას შეხვდებით საქართველოს ზუსტად ისე, როგორც საფრანგეთს, იტალიას, გერმანიას, დიდ ბრიტანეთს, აშშ-ს, ანუ ნატოს წევრ ქვეყნებს. ეს პირველად მოხდა და ჩემი აზრით, ძალიან მნიშვნელოვანია, როდესაც ნატო საკუთარ თავზე, საკუთარ საქმიანობაზე, საკუთარ მიღწევებზე ან საფრთხეებზე, რომელსაც ის ხედავს, საუბრის დროს ყველგან თანაბრად, ზუსტად ისე, როგორც ნატოს წევრ ქვეყნებს, იხსენიებს საქართველოს. ეს არის პირველი მნიშვნელოვანი სხვაობა ამ ტექსტის და მნიშვნელოვანი დასტური საქართველოს მიმართ დამოკიდებულების“, _ განაცხადა თავდაცვის მინისტრმა
კომუნიკეში განისაზღვრა ახალი ინიციატივებიც, რომელიც ქართულ-ამერიკული მემორანდუმის მსგავსად ერთადერთ ამოცანას ემსახურება _ გაძლიერდეს ჩვენი ქვეყნის თავდაცვისუნარიანობა“, – აღნიშნა საქართველოს თავდაცვის მინისტრმა
შავი ზღვის უსაფრთხოება და საქართველო
„კომუნიკეში ხაზგასმულია ის, რაც ნატო-საქართველოს კომისიის ერთობლივ განცხადებაში აღინიშნა, რომ საქართველო აქტიურად ჩაერთვება სტრატეგიული პარტნიორობის დიალოგის ფორმატში შავი ზღვის უსაფრთხოების განმტკიცების მიზნით. ეს არის პირველი და ყველაზე მთავარი მიღწევა“ – „საქართველო მიწვეულია სტრატეგიული პარტნიორობის დიალოგის ფორმატში, რომელიც სამიტის დასრულების შემდეგ ნატოს ფარგლებში დაიწყებს ფუნქციონირებას ნატოს წევრ შავი ზღვის აუზის ქვეყნებთან ერთად. საქართველო სრულფასოვნად იქნება წარმოდგენილი ყველა იმ ღონისძიებაში, რომელიც დაგეგმავს შავი ზღვის აუზის უსაფრთხოების გეგმის კონკრეტულ იმპლემენტაციას”.
ჰაერსაწინააღმდეგო სისტემა
თავდაცვის მინისტრი აღნიშნავს, რომ კომუნიკეში „ერთ-ერთი მთავარი აქცენტი გაკეთებულია საჰაერო თავდაცვაზე, ნატოს სისტემაში საქართველოს სრულ ინტეგრაციაზე და საჰაერო თავდაცვის განვითარების კუთხით პარტნიორი ქვეყნების მხრიდან დახმარებაზე. ჩვენ არ ვიფარგლებით მხოლოდ ქართულ-ფრანგული კონტრაქტით – ამ მიმართულებით თანამშრომლობა გაცილებით მრავლისმომცველია”.
„ჩვენ გვეძლევა შესაძლებლობა გავხდეთ უსაფრთხოების არა მხოლოდ მიმღები, არამედ, მიმწოდებელი ქვეყანა“
მნიშვნელოვანია, რომ ერთობლივ განცხადებაში ნატო-საქართველოს არსებითი პაკეტის განხორციელებაში მიღწეული მნიშვნელოვანი პროგრესიც აღინიშნა. განცხადებაში დაფიქსირებულია, რომ ნატოს გაერთიანებული ტრანსფორმაციის სარდლობას დაევალა ნატო-საქართველოს წვრთნისა და შეფასების ერთობლივი ცენტრის (JTEC) ჩართვა ალიანსის წვრთნისა და სწავლებასთან დაკავშირებულ საქმიანობაში. განცხადებაში ხაზგასმულია, რომ მოკავშირეები მხარს დაუჭერენ საქართველოს ტერიტორიაზე რეგულარულ ნატო-საქართველოს წვრთნების გამართვას.
აღნიშნულთან დაკავშირებით საქართველოს თავდაცვის მინისტრმა განაცხადა, რომ „ჩვენ მივიღეთ ის შედეგი რასაც ველოდით ნატო-საქართველოს წვრთნისა და შეფასების ერთობლივ ცენტრთან მიმართებაში. „კერძოდ, კომუნიკეში აღინიშნა, რომ ნატო-საქართველოს წვრთნისა და შეფასების ერთობლივი ცენტრი (JTEC) იქნება აფილირებული ნატოს სისტემასთან. ანუ ჩვენ JTEC-ს გამოვიყენებთ არა მხოლოდ ჩვენი საკუთარი მიზნებისთვის, არამედ ნატოს წევრი თუ პარტნიორი ქვეყნებისთვის, როგორც ავღანეთში, ავღანეთის შეიარაღებული ძალების მოსამზადებლად, ასევე სხვა ოპერაციებისთვის. მათ შორის, ერთ-ერთ ვერსიად ჩვენ უკვე ვიხილავთ გაეროს სამშვიდობო ოპერაციებისთვის სხვა ქვეყნების შეიარაღებული ძალების მომზადებას საქართველოში. ეს არის თვისობრივად ახალი დონე – რას ნიშნავს ეს? ეს ნიშნავს იმას, რომ საქართველო გადადის განვითარების სრულიად სხვა საფეხურზე, როდესაც ჩვენ გვეძლევა შესაძლებლობა გავხდეთ უსაფრთხოების არა მხოლოდ მიმღები, არამედ, მიმწოდებელი ქვეყანა“, – განაცხადა საქართველოს თავდაცვის მინისტრმა ვარშავის სამიტის შედეგების შეფასებისას”.
***
მოკავშირეებმა კვლავ აღნიშნეს, რომ ალიანსთან საქართველოს ურთიერთობა მოიცავს ყველა პრაქტიკულ მექანიზმს საბოლოო წევრობისათვის მოსამზადებლად. კომუნიკეში დაფიქსირებულია, რომ 2008 წლიდან დღემდე საქართველომ რეფორმების გატარების კუთხით მნიშვნელოვან პროგრესს მიაღწია.
მოვლენების შედეგების მთავარ კომპონენტთა შორის თინათინ ხიდაშელი გამოყოფს იმ ინსტრუმენტების კონკრეტულ ჩამონათვალს, რომელიც დღეს საქართველოს გააჩნია: „ეს არის წლიური სამოქმედო გეგმა, ნატო-საქართველოს კომისია, ნატო-საქართველოს ერთობლივი პაკეტი, ჩვენი თანამშრომლობა ავღანეთში და შესაბამისი სამხედროების მომზადება. ეს ყველაფერი განხილულია როგორც საკმარისი ინსტრუმენტები იმისათვის, რომ საქართველო მოამზადონ ნატოში გასაწევრიანებლად”.
16 ივლისს თურქეთის გენერალურმა კონსულმა ბათუმში იასინ თემიზქანმა განაცხადა, რომ ბათუმში მდებარე შაჰინის სკოლა-ლიცეუმი და სხვა სკოლები ტერორისტულ ორგანიზაციებთანაა კავშირში და აპირებს მთავრობას მიმართოს, რათა ეს სკოლები დაიხუროს.
ბათუმელები“ აჭარის განათლების ყოფილ მინისტრს, გია თავამაიშვილს დაუკავშირდა კომენტარისთვის, რომელმაც განაცხადა, რომ სკოლა-ლიცეუმი „მეგობრობა“ საკმაოდ წარმატებული სკოლაა:
„მოგეხსენებათ, ეს კერძო სკოლაა და გავლილი აქვს ყველა ის პროცედურა, რასაც მოითხოვს საქართველოს განათლების სამინისტრო. ამ სკოლაში ძირითადად ქართველი ბავშები სწავლობენ და პედაგოგებიც ქართველები არიან, ისინი ეროვნული სასწავლო გეგმით ასრულებენ თავიანთ ფუნქციას, საკმაოდ ორგანიზებული სკოლაა, რომლის კურსდამთავრებულები წარმატებით ირიცხებიან უმაღლეს სასწავლებლებში. სკოლა გამოირჩევა ძალიან კარგი ღონისძიებებით, რომელიც გარკვეულწილად უკავშირდება საქართველოს ისტორიულ დღეებს, დამოუკიდებლობას. შეიძლება რაღაც არ მოგწონდეს, მაგრამ ასეთი განცხადება, რომ ეს ტერორისტების მოსამზადებელი სკოლაა… არა მგონია ასეთი ფორმით ეს თურქეთის კონსულს განეცხადებინა, არასწორი თარგმანის შედეგი შეიძლება იყოს“ – განაცხადა გია თავამაიშვილმა „ბათუმელებთან“.
თუქრეთის კონსულის განცხადებით, შაჰინის სკოლა-ლიცეუმი ფეტულა გულენის მიმდევრებს ეკუთვნით. ფეტულა გულენს თურქეთის პრეზიდენტი ერდოღანი გუშინდელი სამხედრო გადატრიალების მცდელობის ავტორად ასახელებს.
ყოფილი იმამი ფეტულა გულენი და მისი მრავალმილიონიანი მიმდევრები თურქეთის მთავრობას მანამდეც არაერთხელ დაუდანაშაულებია ხელისუფლების დამხობის მცდელობაში. თავად აშშ–ში დაფუძნებული და გულენთან დაკავშირებული ორგანიზაცია დღევანდელ გადატრიალების მცდელობასთან კავშირს უარყოფს და გმობს შეიარაღებულ დაპირისპირებას.
ფეტულა გულენი მწერალი და პრეზიდენტ ერდოღანის ყოფილი მოკავშირეა. იგი 2013 წელს ჟურნალმა „თაიმსმა” 100 ყველაზე გავლენიან პირს შორის დაასახელა. გულენი მუდმივად უსვამს ხაზს მეცნიერებისა და განათლების როლს საზოგადოების განვითარებაში, გმობს ტეორიზმს. იგი ამჟამად აშშ-ში ცხოვრობს.
შაჰინის სახელობის მეგობრობის სკოლა-ლიცეუმი ბათუმში 1994 წელს გაიხსნა. სკოლაში პირველი კლასიდან ისწავლება ინგლისური, მესამე კლასიდან – თურქული, მეხუთე კლასიდან კი – რუსული ენა.
“ბათუმში შაჰინის სახელობის მეგობრობის ლიცეუმში ტერორისტებს ზრდიან – განცხადება თურქეთის გენერალურმა კონსულმა თურქეთში მომხდარი გადატრიალების მცდელობის კომენტირებისასა გააკეთა” – ინფორმაციას „ტელეარხი 25“ ავრცელებს.
საუბარია ბათუმში მდებარე კერძო სკოლა-ლიცეუმ „მეგობრობაზე”, რომელიც ბათუმში ერთ-ერთი ყველაზე ძვირადღირებული და პრესტიჟული სკოლაა.
„ეს ხალხი იმაგრებს საკუთარ პოზიციებს სკოლების მეშვეობით, ზრდიან თაობებს, რომელიც არა სახელმწიფოს, არამედ ტერორისტულ დაჯგუფებებს ემსახურებიან. სამწუხაროდ აჭარაში არის მსგავსი სკოლები, ერთ-ერთია შაჰინის სკოლა-ლიცეუმი, მოვუწოდებ აჭარის მოსახლეობას, ნუ გაუშვებთ ბავშვებს ამ სკოლაში. უახლოეს პერიოდში მივმართავ საქართველოს ხელისუფლებას, რათა ამ ორგანიზაციის სკოლები დაიხუროს“ – განაცხადა თურქეთის კონსულმა იასინ თემიზქანმა „ტელეარხი 25“-ის ჟურნალისტთან. ჟურნალისტის განცხადებით, ციტატის თარგმანი კონსულის თარჯიმანს ეკუთვნის.
კონსულის განცხადებით, შაჰინის სკოლა-ლიცეუმი ფეტულა გულენის მიმდევრებს ეკუთვნით. ფეტულა გულენს თურქეთის პრეზიდენტი ერდოღანი გუშინდელი სამხედრო გადატრიალების მცდელობის ავტორად ასახელებს.
ყოფილი იმამი ფეტულა გულენი და მისი მრავალმილიონიანი მიმდევრები თურქეთის მთავრობას მანამდეც არაერთხელ დაუდანაშაულებია ხელისუფლების დამხობის მცდელობაში. თავად აშშ–ში დაფუძნებული და გულენთან დაკავშირებული ორგანიზაცია დღევანდელ გადატრიალების მცდელობასთან კავშირს უარყოფს და გმობს შეიარაღებულ დაპირისპირებას.
ფეტულა გულენი მწერალი და პრეზიდენტ ერდოღანის ყოფილი მოკავშირეა. იგი 2013 წელს ჟურნალმა „თაიმსმა” 100 ყველაზე გავლენიან პირს შორის დაასახელა. გულენი მუდმივად უსვამს ხაზს მეცნიერებისა და განათლების როლს საზოგადოების განვითარებაში, გმობს ტეორიზმს. იგი ამჟამად აშშ-ში ცხოვრობს.
შაჰინის სახელობის მეგობრობის სკოლა-ლიცეუმი ბათუმში 1994 წელს გაიხსნა. სკოლაში პირველი კლასიდან ისწავლება ინგლისური, მესამე კლასიდან – თურქული, მეხუთე კლასიდან კი – რუსული ენა. შაჰინის სკოლაში სწავლება ქართულ ენაზე, ეროვნული სასწავლო გეგმის შესაბამისად მიმდინარეობს.
აჭარის მთავრობის ახალი თავმჯდომარე ზურაბ პატარაძე სარფის საბაჟოზე არსებულ ვითარებას გაეცნო.
ამ დროისათვის საქართველო-თურქეთის საზღვარის გადაკვეთა შეუძლიათ საქართველოს და სხვა ქვეყნის მოქალაქეებს, თუმცა თურქეთიდან სარფის საზღვარზე თურქეთის მოქალაქეებს არ უშვებენ.
როგორც ბათუმში თურქეთის საკონსულოში გვითხრეს, შეზღუდვა დაწესებულია მხოლოდ თურქეთის მოქალაქეებისთვის, სხვა ქვეყნის მოქალაქეებს კი საქართველოს საზღვრის გადმოკვეთა არ ეკრძალებათ.
აღნიშნული ზომები 15-16 ივლისს, თურქეთში მომხდარ სამხედრო გადატრიალების მცდელობას უკავშირდებოდა. გადატრიალების მცდელობა თურქეთის ხელისუფლებამ აღკვეთა.
„ბათუმელების“ ინფორმაციით, თურქეთიდან სარფის საზღვარზე თურქეთის მოქალაქეებს არ უშვებენ.
როგორც ბათუმში თურქეთის საკონსულოში გვითხრეს, შეზღუდვა დაწესებულია მხოლოდ თურქეთის მოქალაქეებისთვის, სხვა ქვეყნის მოქალაქეებს კი საქართველოს საზღვრის გადმოკვეთა არ ეკრძალებათ.
აღნიშნული ზომები 15-16 ივლისს, თურქეთში მომხდარ სამხედრო გადატრიალების მცდელობას უკავშირდებოდა. გადატრიალების მცდელობა თურქეთის ხელისუფლებამ აღკვეთა.
15 ივლისს თურქეთში სამხედრო გადატრიალების მცდელობა დაფიქსირდა. პრეზიდენტმა ერდოღანმა მოსახლეობას ქუჩაში გასვლისკენ მოუწოდა. ვიდეო „ბათუმელებს” ანკარიდან მოაწოდეს. გადატრიალების მცდელობა თურქეთის ხელისუფლებამ აღკვეთა.
ამ დროისათვის საქართველო-თურქეთის საზღვარზე, სარფში, საბაჟო ჩვეულ რიტმში მუშაობს. მოქალაქეები თავისუფლად გადაადგილდებიან თურქეთში.
საქართველო-თურქეთის საზღვარი 16 ივლისს, დაახლოებით დილის 4 საათზე ჩაიკეტა და საქართველოს მოქალაქეებს თურქეთში გადასვლა შეეზღუდათ, ხოლო თურქეთის და სხვა ქვეყნის მოქალაქეებისათვის საზღვარზე გადსვლა შესაძლებელი იყო.
აღნიშნული ზომები 15-16 ივლისს, თურქეთში მომხდარ სამხედრო გადატრიალების მცდელობას უკავშირდებოდა. გადატრიალების მცდელობა თურქეთის ხელისუფლებამ აღკვეთა, ამჟამად თურქეთში მუშაობენ ავიაკომპანიებიც.
15 ივლისს, ბათუმში, შავი ზღვის რიგით მე-10 ჯაზ ფესტივალი 27 გრემის მფლობელი ამერიკელი კომპოზიტორის, მესაყვირის, არანჟირების ოსტატისა და მუსიკალური პროდიუსერის, ქუინსი ჯონსის პროექტით გაიხსნა. პროექტის (QUINCY JONES & THE GLOBAL GUMBO ALL STARS) ფარგლებში მუსიკოსმა ქართველ მსმენელს თავად წარუდგინა 3 ახალგაზრდა მუსიკოსი – ჯეიკობ კოლიერი, რიჩარდ ბონა და ალფრედო როდრიგესი.
ბათუმის ჩოგბურთის კლუბი 20 საათზე გაიხსნა, თუცა უშუალოდ ფესტივალი დაახლოებით საათნახევრის შემდეგ დაიწყო.
სცენაზე ქუინსი ჯონსი გამოვიდა, რომელმაც პროექტის პირველი მუსიკოსი ჯეიკობ კოლიერი შემდეგი სიტყვებით წარადგინა, “ის 21 წლისაა, აკეთებს ყველაფერს, ასე რომ ახლა მივცემ მას საშუალებას, რომ გააკეთოს ეს, რადგან როგორც ლუი არმსტრონგი იტყოდა: „ნუ ილაპარაკებ, დაუკარი”.
დღეს, 16 ივლისს, ბათუმის ჩოგბურთის კლუბში მაილს ელექტრიკ ბენდის (MILES ELECTRIC BAND) კონცერტი გაიმართება. 11 მუსიკოსისგან დაკომპლექტებული ბენდი, რომლის ხელმძღვანელიც მუსიკოსი ვინს უილბერნია, მაილს დევისის „ელექტრონული პერიოდის“ მუსიკას დაუკრავს.
თურქეთ-საქართველოს საზღვარი ამ დროისთვის საქართველოს მოქალაქეებისთვის, რომლებიც თურქეთის რესპუბლიკაში აპირებენ გადასვლას, ჩაკეტილია. შესაბამისი გადაწყვეტილება გვიან ღამით საქართველოს უშიშროების საბჭოს სხდომაზე მიიღეს. გავრცელებული ინფორმაციით, მანამდე საზღვარი, საქართველოს მოქალაქეებისთვის, თურქულმა მხარემ ჩაკეტა.
სხვა, ნებისმიერი ქვეყნის მოქალაქისთვის, დღეს საქართველოს საზღვრის გადაკვეთისას შეზღუდვა არ არის. როგორც „ბათუმელებს“ სარფის სასაზღვრო-გამშვებ პუნქტზე უთხრეს, საქართველოს, ასევე ნებისმიერი ქვეყნის მოქალაქეს საქართველოში შემოსვლა უპრობლემოდ შეუძლია.
გამშვებ პუნქტზე ამბობენ, რომ საზღვრის გახსნის შესახებ, ან სხვა რაიმე ახალ ინფორმაციას საქართველოს მთავრობისგან ნებისმიერ დროს ელოდებიან. თურქეთში წამსვლელ საქართველოს მოქალაქეებს კი ეუბნებიან, რომ დღის 12 საათამდე საზღვარი, სავარაუდოდ, არ გაიხსნება. სარფში, თურქეთში გადასვლის ბევრი მსურველი ამ დროისთვის არ იმყოფება. საზღვარზე არც ის შეინიშნება, რომ განსაკუთრებული ზომებია მიღებული. გამსვლელ პუნქტთან საპატრულო პოლიციის ერთი ეკიპაჟი პატრულირებს. საზღვარზე ინტენსიური მიმოსვლა არ არის.
საზღვრის გადაკვეთაზე შეზღუდვები თურქეთში გუშინ განვითარებულ მოვლენებს უკავშირდება, რომელიც თურქეთის ხელისუფლების შეფასებით არის სახელმწიფო გადატრიალების მცდელობა და რომელიც არ შედგა.
შენიშვნა:
დღესვე, 16 ივლისს, 14 საათსა და 20 წუთზე საზღვარზე არსებული შეზღუდვა მოიხსნა.
დღეს აჭარის მთავრობის თავმჯდომარე ზურაბ პატარიძე მთავრობის სახლთან იპოთეკით დაზარალებულებს შეხვდა.
არასამთავრობო ორგანიზაცია სამოქალაქო მონიტორინგის ხელმძღვანელის დავით ბერიძის თქმით აჭარის მთავრობის თავმჯდობომარემ იცის პრობლემა. მაგრამ დაგვპირდა პრობლემის დეტალურად შესწავლას.
ბათუმში მცხოვრები, იპოთეკით დაზარალებული 100-მდე ოჯახი აჭარის მთავრობასთან მოლაპარაკებებს 2012 წლის საპარლამენტო არჩევნების შემდეგ აწარმოებს. იპოთეკით დაზარალებულები რამდენჯერმე შეხვდნენ აჭარის მთავრობის ყოფილ თავმჯდომარეს, თუმცა – ამაოდ.
დღეს, საქართველოს პრეზიდენტმა გიორგი მარგველაშვილმა, ბათუმში ვიზიტისას უზენაესი სასამართლოს მოსამართლედ ლევან ბოძაშვილის კანდიდატურა წარადგინა. პრეზიდენტმა საგანგებო ბრიფინგი სასტუმრო „რადისონში“ გამართა.
გიორგი მარგველაშვილმა იმედი გამოთქვა, რომ მის მიერ წარდგენილ კანდიდატს პარლამენტში ამჯერად მხარს დაუჭერენ.
შეგახსენებთ, რომ აქამდე პრეზიდენტის მიერ წარდგენილ უზენაესი სასამართლოს მოსამართლეობის კანდიდატებს, პარლამენტმა 10 ივნისს უყარა კენჭი და მხარი არც ერთ მაღგანს დაუჭირა. ანა დოლიძის კანდიდატურა 34 ხმით 4-ის წინააღმდეგ ჩავარდა, თამარ ლალიაშვილის კანდიდატურა- 27 ხმით 2-ის წინააღმდეგ, ხოლო ნონა თოდუას კანდიდატურა 22 ხმით არც ერთის წინააღმდეგ ჩავარდა.
ლევან ბოძაშვილი საქართველოს პრეზიდენტის განკარგულებით, 2015 წლის 15 ივნისიდან ეროვნული უშიშროების საბჭოს მდივნის მოადგილედ დაინიშნა. იგი 2014 წლიდან სახელმწიფო საკონსტიტუციო კომისიის წევრი და ადგილობრივი თვითმმართველობისა და ტერიტორიული მოწყობის სამუშაო ჯგუფის ხელმძღვანელია. 2014 – 2015 წლებში მუშაობდა უზენაესი სასამართლოს თავმჯდომარის ბიუროს უფროსის თანამდებობაზე.
2012 წლის ოქტომბრიდან არის ნიუ-იორკის ფორდჰემის უნივერსიტეტის სამართლის სკოლის მიწვეული პროფესორი და მკვლევარი. კითხულობს ლექციებს შედარებით კონსტიტუციურ სამართალში.
2006 წლიდან დღემდე მისი აკადემიური საქმიანობა მოიცავს ლექციების კურსებს თბილისის სახელმწიფო უნივერსიტეტში, ქართულ-ამერიკულ უნივერსიტეტსა და საზოგადოებრივ საქმეთა ინსტიტუტში (ჯიპა) კონსტიტუციურ სამართალში, ევროპული კავშირის სამართალსა და საგარეო ურთიერთობებში, დიპლომატიურ და საკონსულო სამართალში, კიბერსამართალში.
აჭარის უმაღლესმა საბჭომ, 12 ხმით, აჭარის მთავრობის თავმჯდომარეობის კანდიდატი, სახელმწიფო რწმუნებული აჭარაში, ზურაბ პატარაძე, აჭარის მთავრობის თავმჯდომარედ აირჩია. კენჭისყრაში 9 დეპუტატმა არ მიიღო მონაწილეობა. კანდიდატის ასარჩევად 11 ხმა იყო საკმარისი.
ახალარჩეულმა თავმჯდომარემ აჭარის უმაღლეს საბჭოს დასამტკიცებლად მინისტრობის კანდიდატები უნდა წარუდგინოს, რისთვისაც კანონით, ათდღიანი ვადა აქვს. ამასთან, ყველა კანდიდატი შეთანხმებული უნდა იყოს საქართველოს შესაბამის სამინისტროებთან და მხოლოდ ამის შემდეგ უნდა წარედგინოს ისინი ერთად უმაღლეს საბჭოს დასამტკიცებლად.
ზურაბ პატარაძის განცხადებით მიმდინარეობს აქტიური კონსულტაციები და უახლოეს პერიოდში წარადგენს მინისტრობის კანდიდატებს. მისივე თქმით, ის აჭარის სამინისტროებში რადიკალურ ცვლილებებს არ გეგმავს.
აჭარაში, ოთხი მინისტრიდან, არცერთი არ არის მოქმედი. ისინი 14 ივლისიდან არც მოვალეობის შემსრულებლები არიან, ვინაიდან, პრეზიდენტის განკარგულებით, რომელსაც პრემიერმაც მოაწერა ხელი, გადაყენებული იქნა აჭარის მოვალეობის შემსრულებელი მთავრობა და ჩამოყალიბდა სახელმწიფო რწმუნებულის ადმინისტრაცია, სადაც აჭარის ყოფილი მინისტრების პირველი მოადგილეები შედიან. გამონაკლისია ფინანსთა და ეკონომიკის სამინისტრო, საიდანაც პირველი მოადგილის ნაცვლად ადმინისტრაციაში სხვა მოადგილე, რამაზ ბოლქვაძე შეიყვანეს.
ზურაბ პატარაძე, საქართველოს პრეზიდენტმა უმაღლესი საბჭოს ფრაქციებთან კონსულტაციის შემდეგ, მთავრობის თავმჯდომარეობის კანდიდატად, გუშინ, 14 ივლისს წარადგინა.
ამავე თემაზე:
ზურაბ პატარაძის მომხრეები და მოწინააღმდეგეები უმაღლეს საბჭოში
დღეს ბათუმში შავი ზღვის რიგით X ჯაზ-ფესტივალი იხსნება.
ბათუმის ჩოგბურთის კლუბში, ფესტივალი 27 გრემის მფლობელი, ამერიკელი კომპოზიტორის, მესაყვირის, არანჟირების ოსტატისა და მუსიკალური პროდიუსერის, ქუინსი ჯონსის პროექტით გაიხსნება, რომლის ფარგლებშიც მუსიკოსი ქართველ მსმენელს პროექტს QUINCY JONES & THE GLOBAL GUMBO ALL STARS თავად წარუდგენს და 3 ახალგაზრდა მუსიკოსს – რიჩარდ ბონას, ალფრედო როდრიგესს და ჯაკობ კოლიერს გააცნობს.
მუსიკოსები მსმენელს 3 საათიან პროგრამას შესათავაზებენ.
მსმენელები ბათუმის ჩოგბურთის კლუბში შესვლას 20:00 საათიდან შეძლებენ.
ბათუმელებსა და ბათუმის სტუმრებს, ფასიანი კონცერტების გარდა, საშუალება ექნებათ უფასოდ დაესწრონ „BRASS BAND“-ების კონცერტებს, რომელიც ბათუმის ბულვარში მთელი დღის განმავლობაში გაიმართება. ჯაზ-ფესტივალის ფარგლებში, უცხოელი შემსრულებლების გარდა, ბათუმის კოლონადებთან კონცერტებს ქართული ჯაზ-ბენდები გამართავენ.
ფესტივალის პროგრამა ასე გამოიყურება:
15 ივლისი, 20:00 – ბათუმის ჩოგბურთის კლუბი – QUINCY JONES & THE GLOBAL GUMBO ALL STARS feat. Richard Bona, Alfredo Rodriguez, Jacob Collier
16 ივლისი, 20:00 – ბათუმის ჩოგბურთის კლუბი – MILES ELECTRIC BAND
17 ივლისი, 20:00 – ბათუმის ჩოგბურთის კლუბი – Ms. Lauryn Hill
21 ივლისი, 20:00 – ბათუმის ჩოგბურთის კლუბი – THE PRODIGY
22 ივლისი, 20:00 – ბათუმის ჩოგბურთის კლუბი – JAMIE CULLUM
23 ივლისი, 20:00 – ბათუმის ჩოგბურთის კლუბი – Chris Brown
24 ივლისი, 20:00 – ბათუმის ჩოგბურთის კლუბი – MACY GRAY
ფესტივალი ტარდება პროექტის „Check In Georgia” ფარგლებში.
ამავე თემაზე: შავი ზღვის ჯაზფესტივალის 7 დღე ბათუმში – რას მოვუსმენთ.
ცოტა ხნის წინ, დემოკრატიული ჩართულობის ცენტრში არასამთავრობო ორგანიზაცია “ჰერას” და საქართველოს სამედიცინო ჯგუფის წარმომადგენლებმა, აჭარაში წყლის სანიტარიისა და ჰიგიენის პროექტის შესახებ ისაუბრეს. პროექტი 2015 წლიდან ქობულეთში ამუშავდა, წელს კი იგი აჭარის ყველა მუნიციპალიტეტში ამოქმედდება.
პროექტის დირექტორის ლევან მეტრეველის განმარტებით. ამ პროექტის ფარგლებში მუნიციპალიტეტებსა და სოფლების სკოლებში სანიტარული ინფრასტრუქტურის რეაბილიტაცია ხდება. “ასევე ხდება ჯანმრთელობითი განათლება და წყლის სისტემის მიყვანა. იმ შემთხვევაში თუ სკოლაში წყალი არსებობს – მაშინ ამ წყლის შემოწმება და მისი ვარგისიანობის დადგენა” – ამბობს ლევან მეტრეველი.
შეხვედრაზე პროექტის ორგანიზატორებმა აღნიშნეს, რომ ჯანდაცვის მსოფლიო ორგანიზაციის მონაცემებით, ბავშვების სიკვდილიანობის ორი მთავარი მიზეზი დიარეა და პნევმონიაა, რომელთა გამომწვევიც ძირითადად ხელების დაუბანლობაა.
15-24 ივლისს, ბათუმის სახელმწიფო უნივერსიტეტში, სამხრეთ კავკასიისა და შავი ზღვის რეგიონში ევროპეიზაციის წარმოჩენის თემაზე, საერთაშორისო საზაფხულო სკოლა ტარდება.
საზაფხულო სკოლის ფარგლებში, 30 სტუდენტი ათი დღის განმავლობაში ევროკავშირის სამართალთან საქართველოს კანონმდებლობის დაახლოების, უმცირესობათა უფლებების, სამხრეთ კავკასიაში უსაფრთხოების, ევროპული სოციალური პოლიტიკის და მიგრაციის საკითხებს განიხილავენ. ასევე, მათთვის ლექციებს ქართველ პროფესორებთან ერთად, უცხოეთის წამყვანი უნივერსიტეტებისა და კვლევითი ცენტრების ექსპერტები და პროფესორები წაიკითხავენ. მათ შორის: ილიაუნის სახელმწიფო უნივერსიტეტის ხელოვნების, მეცნიერების, ევროპული და კავკასიური კვლევების სკოლის პროფესორი ოლივერ რაისნერი, ტარტუს უნივერსიტეტის სოციალურ-მეცნიერებათა ფაკულტეტის დეკანი ( ესტონეთი) – რაულ ეამეთსი, გრაცის უნივერსიტეტის მკვლევარი ( ავსრტია) – სტეფან ჰინგჰოფერ -ზალკეი და სხვები.
საერთაშორისო საზაფხულო სკოლაში მონაწილეობს 17 ქვეყნის, მათ შორის ქართველი, იტალიელი, პოლონელი, გერმანელი, ავსტრიელი, ლატვიელი, თურქი, უნგრელი, აზერბაიჯანელი, უკრაინელი და სომეხი სტუდენტები.
ბათუმის სახელმწიფო უნივერსიტეტის პრესცენტრის ინფორმაციით, საზაფხულო სკოლა, ევროპეიზაციის გზაზე პოსტსაბჭოთა ქვეყნების განვითარების გაანალიზებას ისახავს მიზნად კერძოდ, კი იმის გაანალიზებას თუ რა გავლენას იქონიებს ეს გზა რეგიონის პოლიტიკურ ინსტიტუტებზე, უსაფრთხოების სტრატეგიაზე, კანონმდებლობასა და სოციალურ და კულტურულ საკითხებზე.
საზაფხულო სკოლა “ევროკავშირის პროგრამის ჟან მონეს ქსელის ,,ევროპისმცოდნეობის განვითარება კავკასიაში’’ და ერაზმუს+ -ის სასწავლო მოდულის ,,ევროპული სამართალი სამხრეთ კავკასიაში” ორგანიზებით იმართება.
დღეს, 2:00 საათზე, ბათუმში პერინატალური მოვლის რეგიონალიზაციის შესახებ კონფერენცია იმართება. პერინატალური მოვლის რეგიონალიზაცია ჯანდაცვის სამინისტროს პროექტია, რომელსაც სამინისტრო დონორი ორგანიზაციების მხარდაჭერით ახორციელებს. იგი დედათა და ბავშვთა ჯანმრთელობის გაუმჯობესებას, მათი ავადობისა და სიკვდილობის შემცირებას ემსახურება.
პროექტი ამერიკის მთავრობის მხარდაჭერით, გასული წლის 1 მაისიდან, საპილოტე სახით ამოქმედდა იმერეთის და რაჭა-ლეჩხუმის რეგიონების პერინატალურ დაწესებულებებში. შემდეგ პროექტი გავრცელდა ქვემო ქართლის რეგიონში და თბილისში.
2016 წლის ივლისიდან გაეროს ბავშვთა ფონდის მხარდაჭერით პროექტში ჩაერთვება აჭარის, გურიისა და სამეგრელოს, მცხეთა-მთიანეთისა და შიდა ქართლის რეგიონები.
პერინატალური რეგიონალიზაციის რეფორმა არსებული სამშობიარო სახლებისთვის დონეების (I-II-III დონე) და თითოეული დონისთვის წინასწარ განსაზღვრული მოთხოვნების თანახმად ადამიანური რესურსის, ინფრასტრუქტურის, აღჭურვილობის, ლაბორატორიებისა და დიაგნოსტიკური მომსახურების მიხედვით მინიჭებას გულისხმობს.
თითოეული დონე ემსახურება პაციენტებს, რომელთაც ესაჭიროებათ შესაბამისი ტექნოლოგიური და ადამიანური რესურსი. მშობიარობა უნდა მოხდეს იმ სამშობიაროში, რომელიც სრულად აკმაყოფილებს კონკრეტული ფეხმძიმე ქალის საჭიროებებს შესაბამისი ტექნიკისა და კვალიფიციური პერსონალის თვალსაზრისით. ახალი ინიციატივა ასევე, ითვალისწინებს შესაბამისი პროფესიონალების, როგორიცაა მეან-გინეკოლოგები, ბებია-ქალები და ნეონატალოგები, გადამზადებას. რეგიონალიზაციის დონის შესაბამისობის მოწმობა 1 წლის ვადით გაიცემა.
დღეს, 15 ივლისს, ბათუმის დემოკრატიული ჩართულობის ცენტრში, საქართველოს პარლამენტის ვიცე-სპიკერმა მურმან დუმბაძემ პრესკონფენეცია გამართა, სადაც უმაღლეს საბჭოს მოუწოდა მხარი არ დაუჭიროს, აჭარის მთავრობის თავმჯდომარეობის წარდგენილ კანდიდატს, ზურაბ პატარაძეს.
„დღევანდელ დღეს საქართველოს პრეზიდენტი და პრემიერი, კონტრასიგნაციის წესით ერთობლივი ხელმოწერის დოკუმენტით, 2016 წლის 13 ივლისს სახელმწიფო რწმუნებულად აჭარაში ნიშნავენ ზურაბ პატარაძეს. ეს არის სრულიად არაკონსტიტუციური და ამავე დროს, არის უზნეო და პოლიტიკურად გაუმართლებელი გადაწყვეტილება. დღეს საქართველოს პრეზიდენტს სურს ეს ადამიანი დასვას აჭარის ავტონომიური რესპუბლიკის მთავარ პოლიტიკურ პირად, ანუ ლიდერად. ეს ადამიანიც ხელს აწერს უკანონობაზე. ადამიანი, რომელიც ხელს აწერს ანტიკონსტიტუციურობას, ხელს აწერს უკანონობას, ვერასდროს ვერ დაამყარებს სამართალს რეგიონში“, – აღნიშნა მურმან დუმბაძემ.
გუშინ, 14 ივლისს, საქართველოს პრეზიდენტმა განაცხადა, რომ მას მიმართა აჭარის მთავრობის თავმჯდომარის მოვალეობის შემსრულებელმა, რის შემდეგაც მან მიიღო გადაწყვეტილება დაენიშნა რწმუნებული: „გუშინ საღამოს მთავრობის მეთაურმა და მინისტრებმა მომმართეს შესაბამისი განცხადებით, რომელიც მე დავაკმაყოფილე, და კონსტიტუციისა და კანონმდებლობის შესაბამისად, აჭარაში, მთავრობასთან კონსულტაციის გზით, დღეს დილით დავნიშნე პრეზიდენტის რწმუნებული და მისი ადმინისტრაცია“.
უმაღლეს საბჭოში ზურაბ პატარაძის კანდიდატურას კენჭს დღეს უყრიან.
მოსამართლეთა კენჭისყრაში ბათუმის საქალაქო სასამართლოს 5 მოქმედი მოსამართლე მონაწილეობდა, მათგან სამი მოსამართლე გამოსაცდელი სამწლიანი ვადით დაინიშნა [2013 წლიდან მოსამაართლეები მხოლოდ გამოსაცდელი ვადით ინიშნებიან, ვიდრე სასამართლო რეფორმით ახალი წესი არ დადგინდება].
ორმა მოსამართლემ – ლაშა თავართქილაძემ და გიორგი გრატიაშვილმა, იუსტიციის უმაღლეს საბჭოს ინტერნეტ გვერდზე გამოქვეყნებული ინფორმაციის მიხედვით, კენჭისყრა ვერ გაიარა.
იუსტიციის უმაღლესი საბჭოს გადაწყვეტილებით, ბათუმის საქალაქო სასამართლოს სამოქალაქო საქმეთა კოლეგიის მოსამართლედ დაინიშნა დავით მამისეიშვილი. ის 2013 წლიდან დღემდე ამავე სასამართლოში სისხლის სამართლის საქმეებს განიხილავდა და სასამართლოს თავმჯდომარეა. სასამართლოს მენეჯერის, ივერი აბაშიძის თქმით, დავით მამისეიშვილი თავმჯდომარის პოსტს შეინარჩუნებს, რადგან ის 2013 წელს აირჩიეს ხუთწლიანი ვადით.
გუშინ, 14 ივლისს, იუსტიციის უმაღლეს საბჭოში გამართული კენჭისყრის შედეგად, ბათუმის საქალაქო სასამართლოს მოსამართლეები თამარ ბურჯანაძე და ლევან მიქაბერიძე თბილისის საქალაქო სასამართლოს სამოქალაქო საქმეთა კოლეგიის მოსამართლეებად დანიშნეს.
იუსტიციის უმაღლესი საბჭოს კენჭისყრაში 65 ვაკანსიაზე 122 კანდიდატი მონაწილეობდა, მათგან 44 მოსამართლე აირჩია იუსტიციის საბჭომ. არჩეული მოსამართლეებიდან 21 მოქმედი მოსამართლეა, 9 იუსტიციის უმაღლესი სკოლის ყოფილი მსმენელი და 14 ყოფილი მოსამართლე.
დღეს, ბათუმში, საერთაშორისო კონფერენცია „საქართველოს ევროპული გზა“, წუხელ ღამით, ნიცაში მომხდარი ტერაქტის შედეგად დაღუპულთა ხსოვნისადმი პატივის მიგების ნიშნად, წუთიერი დუმილით დაიწყო.
კონფერენციაზე საქართველოს თავდაცვის მინისტრმა თინათინ ხიდაშელმა გუშინ მომხდარი ფაქტის შესახებ აღნიშნა, რომ პარიზის, ბრიუსელის და სტამბოლის ტერორისტული აქტების შემდეგ, არათუ შემცირდა, არამედ გაცილებით უფრო ცინიკური და მასშტაბური ხასიათი მიიღო ტერორიზმის გამოვლინებამ ევროპაში.
დღეს, 15 ივლისს, აჭარის უმაღლეს საბჭოში, აჭარის მთავრობის თავმჯდომარის თანამდებობაზე კენჭს ზურაბ პატარაძის კანდიდატურას უყრიან.
ზურაბ პატარაძე 14 ივლისს საქართველოს პრეზიდენტმა თავის რწმუნებულად დანიშნა აჭარაში, ხოლო უმაღლესი საბჭოს ფრაქციებთან კონსულტაციის შემდეგ კი იგი მთავრობის თავმჯდომარეობის კანდიდატად წარადგინა.
კანდიდატურის ასარჩევად უმაღლეს საბჭოში მინიმუმ 11 ხმაა საჭირო. საბჭოს სხდომა დღეს, 12 საათზეა ჩანიშნული.
ამავე თემაზე:
