შავი ზღვის ჯაზფესტივალის პირველი დღე [ფოტო, ვიდეო]

15 ივლისს, ბათუმში, შავი ზღვის რიგით მე-10 ჯაზ ფესტივალი 27 გრემის მფლობელი ამერიკელი კომპოზიტორის, მესაყვირის, არანჟირების ოსტატისა და მუსიკალური პროდიუსერის,  ქუინსი ჯონსის პროექტით გაიხსნა. პროექტის (QUINCY JONES & THE GLOBAL GUMBO ALL STARS) ფარგლებში მუსიკოსმა ქართველ მსმენელს თავად წარუდგინა 3 ახალგაზრდა მუსიკოსი – ჯეიკობ კოლიერი, რიჩარდ ბონა და ალფრედო როდრიგესი.

ბათუმის ჩოგბურთის კლუბი 20 საათზე გაიხსნა, თუცა უშუალოდ ფესტივალი დაახლოებით საათნახევრის შემდეგ დაიწყო.

სცენაზე ქუინსი ჯონსი გამოვიდა, რომელმაც პროექტის პირველი მუსიკოსი ჯეიკობ კოლიერი შემდეგი სიტყვებით წარადგინა, “ის 21 წლისაა, აკეთებს ყველაფერს, ასე რომ ახლა მივცემ მას საშუალებას, რომ გააკეთოს ეს, რადგან როგორც ლუი არმსტრონგი იტყოდა: „ნუ ილაპარაკებ, დაუკარი”.

ჯეიკობ კოლიერი

დღეს, 16 ივლისს, ბათუმის ჩოგბურთის კლუბში მაილს ელექტრიკ ბენდის (MILES ELECTRIC BAND) კონცერტი გაიმართება. 11 მუსიკოსისგან დაკომპლექტებული ბენდი, რომლის ხელმძღვანელიც მუსიკოსი ვინს უილბერნია, მაილს დევისის „ელექტრონული პერიოდის“ მუსიკას დაუკრავს.