დღეს, ბათუმში, საერთაშორისო კონფერენცია „საქართველოს ევროპული გზა“, წუხელ ღამით, ნიცაში მომხდარი ტერაქტის შედეგად დაღუპულთა ხსოვნისადმი პატივის მიგების ნიშნად, წუთიერი დუმილით დაიწყო.
კონფერენციაზე საქართველოს თავდაცვის მინისტრმა თინათინ ხიდაშელმა გუშინ მომხდარი ფაქტის შესახებ აღნიშნა, რომ პარიზის, ბრიუსელის და სტამბოლის ტერორისტული აქტების შემდეგ, არათუ შემცირდა, არამედ გაცილებით უფრო ცინიკური და მასშტაბური ხასიათი მიიღო ტერორიზმის გამოვლინებამ ევროპაში.
