ნეტგაზეთი • RU

კვერცხების დაშენის ფაქტზე პოლიციამ მოკვლევა დაიწყო

 

შინაგან საქმეთა სამინისტროს ინფორმაციით, პოლიციამ ბათუმში კვერცხების დაშენის ფაქტზე მოკვლევა დაიწყო.

აჭარის უმაღლეს საბჭოში “ნაციონალური მოძრაობის” დეპუტატს, პეტრე ზამბახიძეს კვერცხებიდაუშინეს. ინციდენტი ბათუმში “დემოკრატიული ჩართულობის ცენტრის” ოფისში მოხდა.

დეპუტატს პეტრე ზამბახიძეს კვერცხები დღეს ბათუმის მერიის ავტოტრანსპორტის სამსახურის თანამშრომლებმა დაუშინეს.

“ეს დაჯგუფება ცდილობს, რომ განსხვავებულ აზრს ებრძოლონ. ესენი არიან “ქართული ოცნების” აქტივისტები. მე მოვუწოდებ არჩილ ხაბაძეს, ავთანდილ ბერიძეს და ყველას – გონს მოვიდნენ. ის ქმედებები, რასაც განახორციელებენ ქართული მედიის, არასამთავრობო სექტორისა და დამოუკიდებელი ოპოზიციის წინააღმდეგ ბუმერანგივით დაუბრუნდება არჩილ ხაბაძეს, ავთანდილ ბერიძესა და ყველას, ვინც ამის უკან დგას“, – განაცხადა პეტრე ზამბახიძემ.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"