ცესკოს ინფორმაციით, 12 საათის მდგომარეობით აჭარაში არჩევნებში მონაწილეობა მიიღო ამომრჩეველთა 16-მა პროცენტმა, სულ 49 041-მა ამომრჩეველმა.
ყველაზე მეტად ამომრჩეველი კვლავინდებურად ბათუმში პასიურობს, 12 საათისთვის ბათუმში ხმა მისცა 12.6-მა პროცენტმა, 17 637-მა ამომრჩეველმა.
რაც შეეხება აჭარის სხვა მუნიციპალიტეტებს, ამომრჩეველთა აქტივობის მაჩვენებელი 12 საათისთვის ასეთია:
ქედა – 3540 ამომრჩეველი, 22.6 პროცენტი;
ხულო – 4251 ამომრჩეველი, 17.7 პროცენტი;
შუახევი – 3290 ამომრჩეველი, 21.9 პროცენტი;
ქობულეთი – 12308 ამომრჩეველი, 18.2 პროცენტი;
ხელვაჩაური – 8015 ამომრჩეველი, 17.8 პროცენტი.
ცესკოს მონაცემებით, ბათუმში [79 საარჩევნო ოლქი] რეგისტრირებულია 139 595 ამომრჩეველი, ქედაში – 15 643; ქობულეთში – 67 703; შუახევში – 15 009; ხელვაჩაურში – 44 928, ხოლო ხულოში – 23 983. აჭარაში ამ დროისათვის სულ 306 861 ამომრჩეველია.