2017 წლის 20 ოქტომბერს, 15:00 საათზე, კულტურული მემკვიდრეობის დაცვის სააგენტოს ორგანიზებით, აჭარის განათლების, კულტურისა და სპორტის სამინისტროს მხარდაჭერითა და მშვილდოსნობის ფედერაციის ჩართულობით, პირველად გონიო-აფსაროსის მუზეუმ-ნაკრძალში ჩატარდება მშვილდოსანთა ტურნირი.
გონიოს თასის მოსაპოვებლად შეჯიბრი ჩატარდება როგორც ვაჟთა, ასევე, ქალთა ორ ასაკობრივ კატეგორიაში. ტურნირს ყოველწლიური, ტრადიციული ხასიათი მიეცემა და გარდა პროფესიონალი სპორტსმენებისა, მომავალში მონაწილეობის მიღება შეეძლებათ მოყვარულებსაც. მათ შორის, გონიოს ციხეში მოსულ ნებისმიერ ვიზიტორს.
მსგავსი ტურნირი ხელს შეუწყობს როგორც აღნიშნული სპორტის სახეობის განვითარებას, ასევე მუზეუმის პოპულარიზაციას.
