ქობულეთის გამგაბლის სულხან ევგენიძის ინფორმაციით, ძლიერი წვიმის შედეგად მეწყერი ჩამოწვა სოფელ ალამბარში, რის გამოც რვა ოჯახთან მისასვლელი გზა ჩახერგილია. გამგებელი ამბობს, რომ გზის გაწმენდა ამ დროისთვის არ ხერხდება.
„როგორც გეოლოგებმა მითხრეს, აზრი არ აქვს სამუშაოების დაწყებას, რადგან სანამ წვიმა არ შეწყდება, სამუშაოების დაწყება საშიშია“-ამბობს გამგებელი.
მისი თქმით, რვა ოჯახს, რომელიც ამ დროისთვის უგზოდაა დარჩენილი, საფრთხე არ ემუქრება. „არის მეწყერის პატარ-პატარა კერები, მაგრამ გაწმენდა ვერ ხერხდება. სოფელ ლეღვაში იყო ტექნიკა ასული, მაგრამ ვერ იმუშავა, ძლიერი წვიმის გამო“ – ამბობს გამგებელი.
ძლიერი წვიმის შედეგად გამოწვეულმა მეწყერმა ქობულეთში ათამდე ოჯახს მანამდეც შეუქმნა საფრთხე. აღნიშნული ოჯახები დღემდე მეზობლებს აფარებენ თავს. როგორ სულხან ევგენიძე ამბობს, დაზარალებულ ოჯახებს ქირის თანხას გეოლოგების დასკვნების ოფიციალურად მიღების შემდეგ გამოუყოფენ.
ძლიერი წვიმის შედეგად ქობულეთსა და ჩაქვში ადიდდა მდინარეები, ზოგან მდინარე კალაპოტიდან გზაზე გადმოვიდა:
ჩაქვი / 2.10.2017
ჩაქვი / 2.10.2017
ჩაქვი / 2.10.2017 / მირზა კონცელიძის ფოტოები
