კონკრეტულ სამედიცინო სერვისებზე ბათუმის რეფერალურ ჰოსპიტალში მოქალაქეებს უფასო კონსულტაციების მიღება მომავალი კვირიდან შეეძლებათ.
აჭარის ჯანდაცვის სამინისტროს ინფორმაციით, კონსულტაციების განრიგი ასეთია:
ორშაბათი – ზოგადი ქირურგია, ოფთალმოლოგია;
სამშაბათი – გინეკოლოგია, ენდოკრინოლოგია;
ოთხშაბათი – ანგიოლოგია, კარდიოლოგია;
ხუთშაბათი – ნეიროქირურგია, ნევროლოგია, ორთოპედია;
პარასკევი – უროლოგია, პროქტოლოგია.
უფასო კონსულტაციები დილის 10 საათიდან დაიწყება და შუადღის სამზე დასრულდება.
კონსულტაციების მისაღებად წარმოებს წინასწარი ჩაწერა: +995 32 2 55 05 05 ან *05 05.