მთავარი,მთიანი აჭარა,სიახლეები

გენდერული დისბალანსი ხულოს პარტიულ სიებში

26.09.2017 • 1901
გენდერული დისბალანსი ხულოს პარტიულ სიებში

ხულოს # 84 საარჩევნო ოლქში, პროპორციულ საარჩევნო სიაში ყველაზე მეტი ქალი „ლეიბორისტულ პარტიას“ ჰყავს წარმოდგენილი. 10 ქალი და 6 კაცია – ასეთია პარტიის საარჩევნო სიაში გენდერული ბალანსი.

„ქართული ოცნების“ 20-წევრიან სიაში კი მხოლოდ ოთხი ქალია, პარტიული სიის მესამე, მეექვსე, მე-10 და მე-11 ადგილებზე.

„ევროპული საქართველოს“ პარტიულ სიაში 23 კანდიდატიდან შვიდი ქალია, თუმცა პარტიული სიის სამეულში არც ერთი მათგანი არ არის.

ხულოში „დიმიტრი ლორთქიფანიძე, კახა კუკავა – დემოკრატიული მოძრაობა თავისუფალი საქართველოს“ პარტიის პროპორციულ სიაში რვა ქალია, მაგრამ „ევროპული საქართველოს“ მსგავსად, სამეულში არც ერთი მათგანი არ არის.

„გაერთიანებული დემოკრატიული მოძრაობის“ სიაში ოცი წევრიდან ცხრა ქალია, თუმცა პარტიული სიის ათეულში მხოლოდ ერთი ქალია სიის მერვე ნომრად.

„ერთიანი ნაციონალური მოძრაობის“ პარტიული სია ექვსი ქალითაა წარმოდგენილი.  ქალები „ნაციონალების“ პარტიულ სიაში მე-8, მე-9, მე -10, მე-18, მე-19 და მე-20 ადგილებზე არიან წარმოდგენილნი.

გენდერული ბალანსი მეტ-ნაკლებად დაცულია „დავით თარხან – მოურავი, ირმა ინაშვილი – პატრიოტთა ალიანსის“ პარტიის სიაში, სადაც რვა ქალია, თუმცა აქაც, ქალები ხუთეულში ვერ მოხვდნენ.

ერთი ქალითაა წარმოდგენილი პარტია – „შენების მოძრაობა“ ხულოში. ციცინო ბოლქვაძე პარტიამ მეცხრე ადგილზე წარადგინა.

რაც შეეხება მაჟორიტარ კანდიდატებს, ქალები მაჟორიტარ კანდიდატებად  მხოლოდ „პარიოტთა ალიანსმა“ დაასახელა და ისიც ორ მაჟორიტარულ ოლქში – თხილვანასა და ხიხაძირში. მაჟორიტარული წესით, ხულოს საკრებულოში მოსახვედრად თხილვანაში  ნაზიბროლა მამულაძე, ხოლო ხიხაძირში  ნატო ჯაიანი იბრძოლებენ.

გადაბეჭდვის წესი


ასევე: