ბათუმში 55 წლის მამაკაცს ეძებენ, ახლობლების ინფორმაციით თამაზ პაქსაძე სახლიდან გუშინ საღამოს ათ საათზე გავიდა და მას შემდეგ არ გამოჩენილა. ახლობლების თქმით მომხდარზე პოლიციას შეატყობინეს, თუმცა ჯერჯერობით დაკარგულის ძებნა პოლიციას არ დაუწყია: „ პოლიციამ გვითხრა, 24 საათი უნდა გავიდეს, რომ ძებნა დავიწყოთო.“
ნათესავების თქმით დაკარგულს ჯანმრთელობასთან დაკავშირებული პრობლემები აქვს. სახლიდან გასვლისას მას ეცვა შავი შარვალი და თეთრი ქურთუკი.
დაკარგული თამაზ პაქსაძე ე.წ. მუყაოს ქალაქში ცხოვრობს.
ოჯახის წევრების თხოვნაა, თუ ვინმეს რაიმე ინფორმაცია აქვს მასზე, დარეკოს ნომერზე: 599 27 34 67
„ბათუმელები“ შინაგან საქმეთა სამინისტროს დაუკავშირდა. პრესსამსახურისგან პასუხს ველოდებით.
