ათენის მსოფლიო ჩემპიონატში ხულოელმა მოჭიდავემ – ოთარ აბულაძემ ბრინჯაოს მედალი მოიპოვა. იგი ბერძნულ-რომაულ ჭიდაობაში მონაწილეობდა ჭაბუკთა შორის. ოთარ აბულაძე 17 წლისაა.
მსოფლიო ჩემპიონატი ათენში გრძელდება. დღეს, 6 სექტემბრის საღამოს ასევე ბერძნულ-რომაულ ჭიდაობის კატეგორიაში ბათუმში მცხოვრები თემურ ხოზრევანიძე მიიღებს მონაწილეობას.
„ის იბრძვის მესამე, ან მეხუთე ადგილისთვის. ხვალიდან გოგონებს შორის იქნება შეჯიბრი. ამ კატეგორიაში საქართველოს ნაკრებს მონაწილე არ ჰყავს. ჩვენი კიდევ ერთი მონაწილე, ქობულეთელი თორნიკე ქათამაძე ზეგ თავისუფალ ჭიდაობაში იასპარეზებს,“ – გვითხრა თემურ ხოზრევანიძის მწვრთნელმა, ლევან შავაძემ.
ათენის მსოფლიო ჩემპიონატში 45 ქვეყანა მონაწილეობს.
