მერად არჩევის შემთხვევაში, „ქართული ოცნების“ ბათუმის მერობის კანდიდატი ლაშა კომახიძე კადრების შეცვლას არ აპირებს. ელის, რომ ბათუმის მერიაში დასაქმებული ადამიანები დაგეგმილი პროგრამების განხორციელებაში დაეხმარებიან.
„ახლოს არ ვიცნობ ამ კადრებს. ყოველ შემთხვევაში არ იქნება ასე, რომ მივედი და შევცვალე კადრები. ეს იქნება იმედი და მოთხოვნა რომ ამყვებიან არსებული კადრები ჩემი მერობის შემთხვევაში ჩემი პროგრამის შესრულებაში,“ – უთხრა ლაშა კომახიძემ „ბათუმელებს“.
ლაშა კომახიძეს ჯერ არ წარმოუდგენია საარჩევნო პროგრამა. ამბობს, რომ ქალაქის განვითარების მისეულ ხედვაზე საჯაროდ საარჩევნო პროგრამის პრეზენტაციის შემდეგ ისაუბრებს.