Batumelebi | ქობულეთის ბიუჯეტის პრიორიტეტები ქობულეთის ბიუჯეტის პრიორიტეტები – Batumelebi
RU | GE  

ქობულეთის ბიუჯეტის პრიორიტეტები

 

ბათუმის შემდეგ ყველაზე დიდი ბიუჯეტი აჭარაში ქობულეთის მუნციპალიტეტს აქვს. საკრებულოს თავმჯდომარე სულხან ოქროპირიძე „ბათუმელებთან“ ამბობს, რომ მომავალ წელს მუნციპალიტეტის პრიორიტეტი ინფრასტრუქტურული პროექტებია.  საკრებულოს სხდომაზე დამსწრე 33 დეპუტატიდან 2015 წლის ბიუჯეტს 24 -მა დეპუტატმა დაუჭირა მხარი.

 

სულხან ოქროპირიძე

 

 ბატონო სულხან, რა არის 2015 წელს მუნიციპალიტეტის  პრიორიტეტები?       

2015  წლის ბიუჯეტი შეადგენს 26 მილიონ 796 ათას ლარს, აქედან 15 მილიონი ლარი აჭარის მთავრობამ გამოყო კაპიტალური ტრანსფერის სახით. მომავალი წლის პრიორიტეტია  ქალაქ ქობულეთის ქუჩების კეთილმოწყობა. დაგეგმილია ჭავჭავაძის, ჯავახიშვილის, ლესელიძის ქუჩების რეაბილიტაცია, გელაურის უბნის კანალიზაციის მოწყობა. ჩვენი მიზანია ქალაქი იყოს ტურისტებისთვის მიმზიდველი.  მომავალ წელს ქობულეთში რუსთაველის ქუჩის ტროტუარების მოწყობისთვის  567 949 ლარი დაიხარჯება.  ქალაქ ქობულეთში არსებული ასფალტის საფარის სარეაბილიტაციო სამუშაოებს  41 710 ლარი მოხმარდება. აღმაშენებლის გამზირზე გარე განათებისათვის მზის ენერგიაზე მომუშავე ეკონომიური დანადგარის შეძენისთვის  81 000 ლარია გამოყოფილი.  მრავალბინიანი საცხოვრებელი სახლების სახურავების გადახურვა-რეაბილიტაციაზე  838 201 ლარი დაიხარჯება.  მუნიციპალიტეტის სააქტო დარბაზის რემონტისა და რეაბილიტაციისთვის  63 416 ლარია გამოყოფილი, თამარ მეფის სანაპიროზე  სანაგვე ურნებისა და სკამების შეძენა-მონტაჟისთვის 140 000 ლარი დაიხარჯება.    

 

 

მუნიციპალიტეტის სოფლებში აქტუალურია სასმელი წყლის პრობლემა

  მომავალ წელს სოფლებში წყლის სისტემის რეაბილიტაცია  პრიორიტეტულია.  მაგალითად, სოფელ სამების წყლის სისტემის რეაბილიტაციისთვის 450 000 ლარია გამოყოფილი.
  ხუცუბნის წყლის სათავე ნაგებობის რეზერვუარისა და ქსელის რეაბილიტაციას კი184 083 ლარი მოხმარდება. იგეგმება ასევე სოფელ აჭყვისთავის წყლის სისტემის რეაბილიტაცია [145 647 ლარი] და სოფელ  კვირიკეს წყალსადენის სათავე ნაგებობის,რეზერვუარებისა და ქსელის რეაბილიტაცია. [ 184 083 ლარი]

გარდა ამისა,  ქობულეთში წყალსადენის სათავე ნაგებობაზე დამატებითი ჭაბურღილების მოწყობისთვის ბიუჯეტში  250 265 ლარია გამოყოფილი…

 

 

 გარდა იმისა, რაზეც უკვე ისაუბრეთ,  2015 წელს დაგეგმილი სამუშაოებიდან თქვენ რომელს გამოყოფდით?

 ქობულეთის მუნიციპალიტეტში მომავალ წელს, ოთხი საბავშვო ბაღის აშენება იგეგმება.   ფიჭვნარში საბავშვო ბაღის მოწყობისთვის 861 070 ლარია გამოყოფილი,  გელაურში საბავშვო  ბაღისთვის  422 077 ლარის დახარჯვაა დაგეგმილი,   სოფელ  ქობულეთში აშენდება კიდევ ერთი საბავშვო ბაღი [ 422 077 ლარი  ]  და ასევე, სოფელ ზენითს მომავალ წელს ექნება ახალი საბავშვო ბაღი. [ 108 098 ლარი]

 

 

სოციალურად დაუცველებისთვის და ზოგადად ჯანდაცვის პროგრამებში წელს არის თუ არა ცვლილებები?
  
  წელსაც ისევე, როგორც გასულ წლებში სოციალურად დაუცველი ფენისათვის მუნიციპალური უფასო სასადილოს პროგრამა გრძელდება. ასევე, ბავშვები, რომლებსაც მშობლები არ ჰყავთ, მათთვის ყოველთვიური მატერიალური დახმარების პროგრამა არსებობს. ჯანდაცვის პროგრამებირაც იყო გასულ წელს ყველა დარჩა, დაემატა ახალი პროგრამები, მაგალითად პრონქული ასთმით დაავადებულ პირებს უფასო მედიკამენტოზური დახმარება გაეწევათ. ასევე სოციალურად დაუცველი მოსახლეობისათვის  გაზიფიცირება იქნება უფასო…

    

 

ქობულეთის მუნიციპალიტეტის საკრებულოს სხდომა

 

 

 

 

 

ნეტგაზეთის მასალების სხვა გამოცემებში გადაბეჭდვის წესი
ნათია როყვა