ძლიერმა ქარმა, სენაკში, 800 წლოვანი ჭადარი გადატეხა.
ჭადარი საქართველოს წითელ წიგნში, ცოცხალი ბუნების ძეგლების კატეგორიაში (დიდხნოვანი ხეები) იყო შეტანილი 1982 წლიდან.
აღმოსავლეთის ჭადარი (ლათ. Platanus Orientalis) სენაკი-მარტვილის დამაკავშირებელ გზაზე იდგა.
სენაკში მდგარი აღმოსავლეთის ჭადრის სიმაღლე 27 მეტრი იყო, მერქნის დიამეტრი 4.40 მეტრი, გარშემოწერილობა 23.7 მეტრი.
ისტორიკოსები აღმოსავლეთის ჭადრის სენაკში დარგვის თარიღად 1184 წელს მიიჩნევენ, თამარ მეფის ტახტზე ასვლის წელს.
1876 წელს ძველ სენაკში იმოგზაურა ბრიტანელმა მოგზაურმა და მწერალმა ჯონ ტეფლერმა, რომელსაც თავის წიგნში აქვს აღწერილი სენაკში მდგარი აღმოსავლეთის ჭადარი.
ხე ადგილობრივებისათვის მნიშვნელოვანი ღონისძიებების აღნიშვნის ადგილად იყო ქცეული. მაგალითად, სწორედ აქ იზეიმეს 1918 წელს სენაკელებმა საქართველოს დამოუკიდებლობის გამოცხადება, ხოლო 1991 წელს საქართველოს დამოუკიდებლობის აღდგენა.
გადატეხილი 800-წლოვანი ჭადარი სენაკში ფოტო: მიხეილ კირცხალია
