Batumelebi | რუსეთ-საქართველოს ომში დაღუპულთა ოჯახები 3 ათას ლარ დახმარებას მიიღებენ რუსეთ-საქართველოს ომში დაღუპულთა ოჯახები 3 ათას ლარ დახმარებას მიიღებენ – Batumelebi
RU | GE  

რუსეთ-საქართველოს ომში დაღუპულთა ოჯახები 3 ათას ლარ დახმარებას მიიღებენ

ხვალ, 8 აგვისტოს, რუსეთ-საქართველოს ომში დაღუპული ოჯახის წევრები, ასევე ავღანეთში დაღუპული სამი მეომრის ოჯახი, დახმარებას მიიღებს – 3 000 ლარის ოდენობით.

საომარი მოქმედებების დროს მიღებული დაზიანების შედეგად დაშავებული სამს მებრძოლს კი შეზღუდული შესაძლებლობის მქონე პირის სტატუსი მიენიჭებს -ერთ მებრძოლს პირველი ჯგუფის, ხოლო ორს – მეორე ჯგუფის. აქედან ერთი ქობულეთში ცხოვრობს, ორი კი – ბათუმში.

აჭარის ჯანდაცვის სამინისტროს ინფორმაციით, ფინანსური დახმარება 23 მეომრის ოჯახზე გაიცემა, რაც მთლიანობაში 69 ათასი ლარია.

8 აგვისტოს ომში აჭარიდან 17 მებრძოლი დაიღუპა, სამი კი დაშავდა. სამი პირი დაიღუპა ავთანეთში ბრძოლის დროს.

ქედაში, სოფელ მერისში, 2008 წლის რუსეთ-საქართველოს ომში დაღუპული გმირის – ფრიდონ თურმანიძის საფლავთან პატივსაგები ცერემონია გაიმართება. „გმირის საფლავს საქართველოს დროშით, გვირგვინითა და ყვავილებით შეამკობენ, ცერემონიას საგალობლებით ქედის კულტურის ცენტრთან არსებული ჯგუფი „მოყვარე“ გააფორმებს, ხოლო დაღუპულის ოჯახს ქედის გამგეობისგან წელიწადში ერთხელ 500 ლარი გადაეცემა,“ – ნათქვამია პრესრელიზში.

ხვალ, 8 აგვისტოს, 11 საათზე, რუსეთ-საქართველოს ომში დაღუპული გმირების მემორიალს ყვავილებით შეამკობს ბათუმის მერიაც.

აჭარიდან რუსეთ-საქართველოს ომში [2008წ.] და ავღანეთში [2012წ] დაღუპულ მეომართა სია:

sia

რუსეთ-საქართველოს ომსა და ავღანეთში აჭარიდან დაღუპული მებრძოლების სია / წყარო: აჭარის ჯანდაცვის სამინისტრო

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com