სად აღადგენს WHERE–ს ბათუმის ბულვარი

ქანდაკება WHERE–ს აღდგენითი სამუშაოებისთვის ბათუმის ბულვარის ადმინისტრაციამ 7362 ლარი გამოყო. ქანდაკება, რომელიც ახალ ბულვარში პლაჟის გასწვრივ იდგა, შტორმის შედეგად დაზიანდა. ის აქ დღეს არ დგას.

ბულვარის ადმინისტრაციაში „ბათუმელებს“ უთხრეს, რომ ხელახლა დასამზადებელია მხოლოდ ერთი დეტალი – E ასო, ქანდაკების დანარჩენი ნაწილები კი დასაწყობებულია.

ქანდაკება ისევ ახალ ბულვარში, თუმცა ახალ ადგილზე, შადრევნის მიმდებარედ დაიდგმება, ვინაიდან „პლაჟის გასწვრივ მისი ხელახლა დადგმა გამორიცხულია“ – გვითხრეს ბულვარის ადმინისტრაციაში.

ქანდაკების აღდგენა-მონტაჟის სამუშაოებს ბულვარი ელექტრონული ტენდერით შეისყიდის. სამუშაოები ხელშეკრულების გაფორმებიდან ერთ თვეში უნდა დასრულდეს.

იმ ადგილზე სადაც ქანდაკება იდგა, დღეს ნაპირსამაგრი სამუშაოები მიმდინარეობს.

სამუშაოების გამო, აეროპორტის ასაფრენი ზოლიდან ახალ ბულვარამდე [ამფითეატრამდე] სანაპირო ზოლი ბათუმში შეღობილია რკინის ბადით და ზღვაში ბანაობა აქ აკრძალულია.

ნაპირსამაგრი სამუშაოები ახალ ბულვართან / ბათუმი / 28.07.2017 / თედო ჯორბენაძის ფოტო

განდაკება / ფოტო სატენდერო დოკუმენტაციიდან

დაზიანებული ქანდაკება ერთ-ერთი შტორმის დროს / თედო ჯორბენაძის ფოტო „ბათუმელების“ არქივიდან

ასევე:

ლანჩხუთში ავტობანის ლესა-ხაჯალიის მონაკვეთი მალე გაიხსნება – გზების დეპარტამენტი

„თუ მღვდელი გასწავლის, დანაშაულისკენ აღარ გაიხედავ?“ – მასწავლებელი სკოლებში შექმნილ კლუბებზე

თიბისი კონცეპტი წარმოგიდგენთ თბილისის ბალეტის ფესტივალს

რაში დასჭირდა „ოცნებას“ პატიმრებით ციხეების გადავსება? – ინტერვიუ

„ყირიმი კუნძულად გადაიქცევა. რუსებისთვის ჯოჯოხეთი იწყება“ – უკრაინის თავდაცვის მინისტრი

გოგა ხაინდრავა „ფორმულას“ უჩივის – პროკურატურა აცხადებს, რომ გამოძიება დაიწყო