დღეს, 14 ივლისს, ბათუმის მერიაში ანტიდასავლურ პროპაგანდაზე, მასთან ბრძოლის მეთოდებსა და ევროპული ინტეგრაციის საკითხებზე შეხვედრა გაიმართა. შეხვედრას ნატოსა და ევროკავშირის შესახებ საინფორმაციო ცენტრის დირექტორი, ნინო ბოლქვაძე უძღვებოდა.
შეხვედრის მთავარ მიზანს, ბათუმის სამოქალაქო საზოგადოებისთვის ნატოსა და ევროკავშირის შესახებ საინფორმაციო ცენტრის პრეზენტაცია და სამომავლო თანამშრომლობის პერსპექტივების შესახებ ინფორმაციის მიწოდება წარმოადგენდა.
შეხვედრაზე, ნინო ბოქვაძემ საქართველოს ევროკავშირში გაწევრიანების გზაზე ყველაზე მნიშვნელოვან და აქტუალურ საკითხებზე, ასევე ევროინტეგრაციის გარშემო გავრცელებულ არასწორ ინფორმაციასა და რეალურ ფაქტებზე ისაუბრა.
შეხვედრას ადგილობრივი თვითმართველობისა და საჯარო სამოქალაქო სექტორის წარმომადგენლები ესწრებოდნენ. შეხვედრა დისკუსიის ფორმატით გაგრძელდა.
დისკუსია მერიაში ანტიდასავლურ პროპაგანდაზე
