2016-2017 სასწავლო წელს აჭარის მასშტაბით 163 ოქროსა და 88 ვერცხლის მედალოსანი გამოვლიდა – ამის შესახებ „ბათუმელებს“ აჭარის განათლების, კულტურისა და სპორტის სამინისტროში უთხრეს. მედალოსნების დაჯილდოების ცერემონია მომავალი წლისთვის იგეგმება.
რაც შეეხება გასული, 2015-2016 სასწავლო წლის შედეგებს, აჭარის რეგიონში ოქროს მედლის მფლობელი 166 კურსდამთავრებული, ხოლო ვერცხლის მედლის – 92 კურსდამთავრებული გახდა.
გასული წლის მედალოსნების დაჯილდოების ცერემონია 10 ივლისს გაიმართა.
პროექტს „წარჩინებულ მოსწავლეთა მედლებით დაჯილდოების ქვეპროგრამა“ საქართველოს განათლებისა და მეცნიერების სამინისტრო ახორციელებს და მისი მიზანია მოსწავლეთა აკადემიური მოსწრების წახალისება და წარჩინებულ მოსწავლეთა წარმოჩენა.
გასული წლის წარჩინებული მოსწავლეების დაჯილდოვება. ფოტო: აჭარის მთავრობა
