ბათუმში დელტაპლანით გაესირნება ივნისიდან სექტემბრის ბოლომდეა შესაძლებელი.
თუ დელტაპლანით გასეირნება გსურთ, ბათუმის იახტკლუბთან უნდა მიხვიდეთ. ამ ადგილიდან დაახლოებით დელფინარიუმის მოპირდაპირე მხარეს მდებარე სანაპირო ზოლამდე დელტაპლანით გაფრენა და უკან დაბრუნება 100 ლარი ღირს. ფრენა დაახლოებით 7-8 წუთს გრძელდება, თუმცა, ერთ-ერთი დელტაპლანის მფლობელის, თამაზ მესხის თქმით, დრო ასევე ქარის სისწრაფესა და მგზავრის წონაზეა დამოკიდებული.
წვიმიანსა და ქარიან ამინდში დელტაპლანით გასეირნება აკრძალულია. გადაწყვეტილებას ამის შესახებ პილოტი იღებს. გაფრენის წინ მგზავრი აუცილებლად იცვამს ჟილეტს. უსაფრთხოების ყველა წესი დაცულია, ძრავის გაფუჭების შემთხვევაში დელტაპლანი ადვილად მოძრაობს წყალზე.
ყოველ საღამოს დელტაპლანებს პილოტები ტექნიკურად ამოწმებენ.
დელტაპლანების მფლობელების თქმით, ყველა პილოტი სერტიფიცირებულია.
ამჟამად ბათუმში შვიდი დელტაპლანია.
დელტაპლანი ბათუმში. გულნარა კაკაბაძის ფოტო
დელტაპლანი ბათუმში. გულნარა კაკაბაძის ფოტო
დელტაპლანი ბათუმში. გულნარა კაკაბაძის ფოტო
