შპს „სანიტასი“ ბათუმში , გორგასლის ქუჩაზე მდებარე შენობის გაფართოების ხარჯზე ახალი ფსიქო-სოციალური, სარეაბილიტაციო ცენტრის გახსნას გეგმავს.
კომპანიას აჭარის მთავრობის თავმჯდომარემ კ-2 კოეფიციენტის 4,5-მდე გაზრდაზე ბათუმის მერთან უშუამდგომლა.
მთავრობის თავმჯდომარის შუამდგომლობის წერილის მიხედვით, ახალი ცენტრი ოთხსართულიანი იქნება. ცენტრში განთავსდება მატერიალურ-ტექნიკური ბაზით აღჭურვილი სპორტულ გამაჯანსაღებელი მინიკომპლექსი, რესურსცენტრი და საკონფერენციო დარბაზი.
ცენტრი მოემსახურება შშმ ბავშვებისა და ზრდასრული პირების რეაბილიტაციას.