23 ივნისს, 11:00 საათზე, საერთაშორისო ოლიმპიურ დღესთან დაკავშირებით, ბათუმის ბულვარში ოლიმპიური გარბენა მოეწყობა.
სტარტი ბათუმის ბულვარის ქვიშის მოედანთან იქნება, ფინიში – კი ანბანის კოშკთან.
მსურველებს რეგისტრაციის გავლა დღეს, 18:00 საათამდე, სამშენებლო კომპანია “სვეტის” ოფისში (რუსთაველის ქუჩა #22) შეეძლებათ.
ოლიმპიური გარბენის ორგანიზატორია საქართველოს ეროვნული ოლიმპიური კომიტეტი.
მონაწილეებს გადაეცემათ მაისური და საერთაშორისო ოლიმპიური კომიტეტის სერტიფიკატი. გამარჯვებულები დაჯილდოვდებიან სპეციალური ოლიმპიური პრიზებითა და სპორტული მაღაზიის ვაუჩერებით.
