Batumelebi | კამპანია ენერგოეფექტურობის პოპულარიზაცისთვის კამპანია ენერგოეფექტურობის პოპულარიზაცისთვის – Batumelebi
RU | GE  

კამპანია ენერგოეფექტურობის პოპულარიზაცისთვის

 

2014 წლის 31 აგვისტოს და 1 სექტემბერს  ბათუმში აშშ-ის საერთაშორისო განვითარების სააგენტოს/USAID პროექტი „დაბალემისიებიანი განვითარების სტრატეგიების შესაძლებლობათა გაძლიერება/სუფთა ენერგიის პროგრამა“ (EC-LEDS-Clean Energy Program) ჩაატარებს ორდღიან ცნობიერების ამაღლების კამპანიას „ენერგოეფექტურობა გონივრული არჩევანია“.

კამპანიის ფარგლებში ჩატარდება ვიქტორინა/კონკურსი 31 აგვისტოს 20:00 საათზე ქ. ბათუმის ბულვარში. 1 სექტემბერს პროექტის ფარგლებში წარმოდგენილი იქნება ქუჩის მხატვრობა.

 

ღონისძიებები აგრეთვე მოიცავს ნარჩენების მართვის ტექნოლოგიები რეგიონებში ( WMTR)  ინიციატივების პოპულარიზაციას, რომელსაც ახორციელებს International City/County Management Association (ICMA), CENN–თან ერთად აშშ–სსაერთაშორისო განვითარების სააგენტოს  (USAID) დახმარებით.

 

ცნობიერების ამაღლების კამპანიის მიზანია საქართველოს მოსახლეობის ცნობიერების ამაღლება ისეთ საკითხებზე, როგორებიც არის მდგრადი ენერგომოხმარების უპირატესობები და პერსპექტივები, ენერგოდაზოგვა ენერგოეფექტური ტექნოლოგიების გამოყენებით, ენერგოეფექტური ტექნოლოგიების უპირატესობები, მათ შორის, ენერგოეფექტური განათება, საყოფაცხოვრებო ტექნიკა, შენობები, ნარჩენების მართვის გამართული სისტემების ჩამოყალიბება და ა.შ.

 

ცნობიერების ამაღლების კამპანიის ინიციატივას ასევე უერთდება აშშ-ის საერთაშორისო განვითარების სააგენტოს/USAID პროექტი ნარჩენების მართვის ტექნოლოგიები რეგიონებში (WMTR).

 

დაბალემისიებიანი განვითარების სტრატეგიების შესაძლებლობათა გაძლიერება/სუფთა ენერგიის პროგრამას ახორციელებს „ვინროკ ინტერნეიშენალ“ ჯორჯია. ამ პროექტის საშუალებით აშშ-ის საერთაშორისო განვითარების სააგენტო/USAID მხარს უჭერს საქართველოს ძალისხმევას ენერგოეფექტური და სუფთა ენერგიის ღინისძიებების გატარებით კლიმატის ცვლილებების შერბილების უზრუნველყოფას და ამასთან, საქართველოს ბუნებრივი სიმდიდრის უფრო მეტად პასუხისმგებლიან მართვასა და განვითარებას.

ნეტგაზეთის მასალების სხვა გამოცემებში გადაბეჭდვის წესი
"ბათუმელები"