აჭარის კულტურული მემკვიდრეობის დაცვის სააგენტოს ინფორმაციით, ძმები ნობელების ბათუმის ტექნოლოგიურ მუზეუმს შუშის ორსართულიან კონსტრუქციას მიაშენებენ. საამისოდ ბიუჯეტიდან 240 000 ლარი დაიხარჯება.
ძმები ნობელების მუზეუმის პროექტი, რომელიც შუშის კონსტრუქციის გარდა კაფესა და ეზოს მოწყობასაც ითვალისწინებს, შემოდგომაზე იქნება მზად.
სააგენტოს ინფორმაციითვე, ამ სამუშაოების შემდეგ მუზეუმი ასევე ადაპტირებული იქნება შეზღუდული შესაძლებლობების მქონე პირებისთვის, თუმცა ვინ შეასრულებს სამუშაოებს, ჯერ უცნობია – „ჯერ პროექტის კორექტირება მიმდინარეობს და გამოვლენილი არ არის გამარჯვებული,” – ამბობს ნინო ჯაფარიძე, სააგენტოს პრესსამსახურის ხელმძღვანელი.
ძმები ნობელების სახელობის ბათუმის ტექნოლოგიური მუზეუმი 2007 წელს დაარსდა. მუზეუმი სწორედ იმ შენობაში მდებარეობს, სადაც საუკუნის წინ განთავსებული იყო ძმები ნობელების ნავთობსამრეწველო ამხანაგობის “ბათუმის კანტორა”. მუზეუმში დაცულია ძველი ბათუმის ეკონომიკური და კულტურული განვითარების ამსახველი 2000-მდე ექსპონატი.
ძმები ნობელების სახელობის ბათუმის ტექნოლოგიური მუზეუმი დღეს
