Batumelebi | საერთაშორისო საჭადრაკო ფესტივალი ”შავი ზღვის დელფინი-2014” საერთაშორისო საჭადრაკო ფესტივალი ”შავი ზღვის დელფინი-2014” – Batumelebi
RU | GE  

საერთაშორისო საჭადრაკო ფესტივალი ”შავი ზღვის დელფინი-2014”

 

14-21 აგვისტოს, ბათუმი საერთაშორისო საჭადრაკო ფესტივალის “შავი ზღვის დელფინი-2014-ს” უმასპინძლებს.

 

შეჯიბრება 8, 10, 12, და 14 წლამდე ასაკობრივ კატეგორიაში ჩატარდება, რომელშიც მონაწილეობის მიღება ყველა მსურველს (ასაკობრივი ცენზის დაცვით) შეუძლია.

 

ტურნირი გაიმართება ფიდეს წესებით, შვეიცარული სისტემით, 7 ტურად. ტურნირში ფიდე-ს რეიტინგი არ დაითვლება.

 

თანაბარი ქულების დაგროვების შემთხვევაში გამარჯვებულები გამოვლინდებიან კოეფიციენტის შემდეგი სისტემით:

ა. ბუჰგოლცი – 1 (უდაბლესის გამოკლებით);

ბ. ბუჰგოლცი;

გ. მოგების რაოდენობა;

დ. პროგრესი (თავისი რეგრესით).

 

აჭარის სპორტისა და ახალგაზრდობის საქმეთა დეპარტამენტი აღნიშნულ ყველა ასაკობრივ კატეგორიაში გამარჯვებულ პირველ ხუთეულს შესაბამისი დიპლომებით დააჯილდოვებს, პირველ სამეულს – მედლებით, ხოლო პირველ ადგილზე გასულები დაჯილდოვდებიან თასებით.

 

ასევე ყველა ასაკობრივ კატეგორიაში გამარჯვებული 5 გოგონა და 5 ვაჟი (სულ 40 მოჭადრაკე) დაჯილდოვდება ფასიანი საჩუქრებით, სხვადასხვა სახის უცხოური საჭადრაკო ინვენტარით, მოპოვებული საპრიზო ადგილის შესაბამისად: ელექრტონული საათებით და სხვადასხვა სახის საჭადრაკო კომპლექტებით.

ფესტივალი  სასპორტო სკოლის დარბაზშიი, ფიროსმანის ქ. #14-ში გაიმართება

ნეტგაზეთის მასალების სხვა გამოცემებში გადაბეჭდვის წესი
"ბათუმელები"