ძლიერი სკოლა ხომ ძლიერი სახელმწიფოა. ძლიერი ოჯახი და ძლიერი სკოლა ძლიერ საზოგადოებას ქმნის, რაც ჩვენი სახელმწიფოს წარმატებული მომავლის საწინდარია. სკოლა და ოჯახი განუყოფელია, მათი ერთობა კი აუცილებელია ჩვენი შვილების ბედნიერი მომავლის უზრუნველსაყოფად.
სკოლა ევრო 2000-სთვის განსაკუთრებულად ღირებული არიან მოსწავლეები და მათი ოჯახები, რისი დასტურიცაა ჩვენი ყოველდღიური ადამიანური ურთიერთობები, დამოკიდებულება, პატივისცემა და სიყვარული მათ მიმართ.
სკოლა მასშტაბური ღონისძიებით აღნიშნავს ოჯახის დაცვისა და მშობელთა პატივისცემის დღეს, რომელშიც ჩვენი მოსწავლეები და მათი ოჯახის წევრები აქტიურად მონაწილეობენ. ამ დღეს ყველანი ვიკრიბებით და ვერთვებით ღონისძიებაში სიმღერით, ცეკვით,სპორტული შეჯიბრებებით თუ გამოფენებით და ვცდილობთ დაუვიწყარი დღე გავატაროთ ჩვენს საყვარელ ადამიანებთან ერთად.
მიმდინარე წლის 28 მაისს უკვე მეექვსედ აღვნიშნეთ ეს ძვირფასი დღე 6 მაისის პარკში, ტრადიციულად ხალხმრავალი და მხიარული ღონისძიებით.