დღეს, პირველ ივნისს, აჭარის ხელოვნების მუზეუმში ბავშვთა უფლებების დაცვის დღის ფარგლებში ღია კარის დღეა. მუზეუმში ევროპელი და ქართველი მხატვრების მიერ ბავშვების თემაზე შესრულებული 20 ნამუშევრის გამოფენა მიმდინარეობს.
გამოფენა – „ბავშვთა პორტრეტები მხატვრობაში“ მუზეუმში პირველად 2014 წელს გაიმართა და ამ ხნიდან მოყოლებული, ტრადიციისამებრ, ყოველწლიურად პირველ ივნისს ტარდება. წარმოდგენილია ამედეო მოდილანის, ოგიუს რენუარის, დიეგო ველასკესის, ნიკო ფიროსმანის, თამაზ ხუციშვილისა და სხვათა ნამუშევრების ასლები.
ხელოვნების მუზეუმის დირექტორის, ნინო ნიჟარაძის თქმით, გამოფენაზე წარდგენილ ნამუშევართა შორის ამ დღეს ერთ-ერთი ყველაზე სიმბოლური ნახატია პაბლო პიკასოს „გოგონა მტრედით“, რომელიც, მისი თქმით, ნათლად ასახავს ბავშვის მიამიტობას, მტრედი კი მშვიდობის სიმბოლოა.
ნინო ნიჟირაძის თქმით, ბევრს ავიწყდება, რომ პირველი ივნისი არა მხოლოდ ბავშვთა, არამედ ბავშვთა უფლებების დაცვის დღეა, ამიტომაც მუზეუმმა ბავშვთა უფლებების დაცვის კონვენციაც გამოფინა.