დღეს, 27 ივნისს, ბათუმის ხელოვნების მუზეუმში ირინა ტორონჯაძის პერსონალური გამოფენა გაიმართა სახელწოდებით „უბრალოდ“. გამოფენაზე მხატვრის მიერ ჟანრობრივად განსხვავებული ფერწერული, გრაფიკული და კერამიკული ნამუშევრები იყო წარმოდგენილი.
„სიყვარულზეა ჩემი ნახატები. სიყვარულის გარეშე არაფერი არ არსებობს, მე ასე ვფიქრობ და ჩემი შემოქმედება არის სიყვარულის ინტერპრეტაცია,” – ამბობს „ბათუმელებთან“ მხატვარი.
გამოფენაზე წარმოდგენილი ნამუშევრები მხატვრის მიერ სხვადასხვა პერიოდშია შესრულებული. ბოლო წლების მანძილზე ეს ირინა ტორონჯაძის პირველი გამოფენაა ბათუმში.