შვლის ნუკრი ახალშენიდან თბილისის ზოოპარკში გადაიყვანეს


გარემოსა და ბუნებრივი რესურსების დაცვის სამინისტროს ცხელ ხაზზე ხელვაჩაურის მუნიციპალიტეტის სოფელ ზედა ახალშენიდან მოქალაქემ დარეკა, რომელმაც განაცხადა, რომ ტყის პირას ახალშობილი შველი დაინახა. შემოსული შეტყობინების საფუძველზე, აჭარის რეგიონული სამმართველოს თანამშრომლები, მითითებულ ადგილზე დაუყოვნებლივ გავიდნენ და დაახლოებით 4-5 დღის შველი ნახეს. შველს არ აღენიშნებოდა არავითარი დაზიანება – ინფორმაციას ამის შესახებ გარემოსდაცვითი ზედმახედველობის დეპარტამენტი ავრცელებს.

შველი ბათუმიდან თბილისში ჩამოიყვანეს და ზოოპარკს მიაბარეს.

ხელვაჩაურშივე იპოვეს ერთი თვის წინ კავკასიური მურა დათვის ბელი, რომელიც ამჟამად თბილისის ზოოპარკში ცხოვრობს.

ფოტო: გარემოსდაცვითი ზედამხედველობის დეპარტამენტი

ფოტო: გარემოსდაცვითი ზედამხედველობის დეპარტამენტი

18739279_1942782895736119_2083650167626288577_o

ფოტო: გარემოსდაცვითი ზედამხედველობის დეპარტამენტი

ფოტო: გარემოსდაცვითი ზედამხედველობის დეპარტამენტი

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com