Batumelebi | ალექსანდრე ჯეჯელავას განცხადებით, საატესტატო გამოცდებზე 11 ათასი მოსწავლე ჩაიჭრა ალექსანდრე ჯეჯელავას განცხადებით, საატესტატო გამოცდებზე 11 ათასი მოსწავლე ჩაიჭრა – Batumelebi
RU | GE  

ალექსანდრე ჯეჯელავას განცხადებით, საატესტატო გამოცდებზე 11 ათასი მოსწავლე ჩაიჭრა

დღეს, 25 მაისს, საქართველოს განათლების მინისტრმა, ალექსანდრე ჯეჯელავამ განაცხადა, რომ საატესტატო გამოცდებზე 11 ათასი მოსწავლე ჩაიჭრა. თუმცა, როგორც „ბათუმელებს“ შეფასებისა და გამოცდების ეროვნულ ცენტრში უთხრეს, ეს ციფრი არ არის საბოლოო.

„ეს არის დაახლოებითი ციფრი, დეტალური ინფორმაცია, რამდენი იყო აქედან ის, ვინც ხელმეორედ აბარებდა გამოცდას,  რამდენიმე დღეში დაიდება, როცა ყველა მონაცემი შეჯამდება“, – განაცხადეს ეროვნულ ცენტრში.

შეფასებისა და გამოცდების ეროვნული ცენტრის  ინფორმაციით, უცხოური ენების გამოცდაზე ზღვარი წარმატებით გადალახა მოსწავლეთა დაახლოებით 85- მა პროცენტმა, ქართული ენისა და ლიტერატურის გამოცდაზე ზღვარი გადალახა 97  პროცენტზე მეტმა, მათემატიკის გამოცდა 85- მა პროცენტმა ჩააბარა, ისტორია კი – დაახლოებით 95- მა პროცენტმა.

საატესტატო გამოცდებზე წელს 48 ათასამდე მოსწავლე მონაწილეობდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლელა დუმბაძე, ჟურნალისტი. ტელ: [0042] 27 45 12. lelabatumelebi@gmail.com