აჭარის ავტონომიური რესპუბლიკის ტურიზმისა და კურორტების დეპარტამენტი ოთხი ფერის 400 ცალ ბრენდირებულ ფლეშმეხსიერებას [USB] შეიძენს.
ფლეშმეხსიერებების შესაძენად დეპარტამენტს 6 ათასი ლარი აქვს გათვალისწინებული.
დეპარტამენტის ინფორმაციით, ფლეშმეხსიერებებს, რომლებზეც აჭარის შესახებ პრეზენტაციები და სხვა თემატური ციფრული მასალაა ჩაწერილი, დეპარტამენტი საზღვარგარეთ სხვადასხვა გამოფენებზე ავრცელებს.
შესაბამის ტენდერში წინადადებების მიღება მიმდინარე წლის 30 მაისს დაიწყება და პირველ ივნისს დასრულდება.
ფლეშმეხსიერება USB:
2.0 მეხსიერება არანაკლებ 8 გ.ბ.
ზომები: სიგანე არაუმეტეს 2 სმ;
სისქე ყველაზე სქელ ნაწილში არაუმეტეს 1 სმ;
სიგრძე არაუმეტეს 22 სმ გახსნილ მდგომარეობაში.
მასალა: კაუჩუკი ან სილიკონი ან მსგავსი.
ფორმა: სამაჯური ესკიზის შესაბამისად;
ფერები: ლურჯი, მწვანე, თეთრი, ყვითელი (ას-ასი ცალი);
ბეჭდვა – ფერადი, ტრაფარეტული; დიზაინი ესკიზის შესაბამისად.
