ორი დღის წინ ტელეკომპანია „ობიექტივის“ პირდაპირ ეთერში დარეკა კირნათში მცხოვრებმა მოქალაქე ჯუმბერ ჯიხაძემ და მოყვა თურქ მესაზღვრეებთან ინციდენტის შესახებ.
ბოლო საათების განმავლობაში ტელეკომპანია „ობიექტივის“ წამყვანები პირდაპირ ეთერში ამბობდნენ, რომ თურქი ჯარისკაცები სოფლის მოსახლეობა თავიანთი ბაღებიდან ყრიან. ამბობენ იმასაც, რომ ქართული სპეცრაზმი დგას თურქი ჯარისკაცების პირისპირ.
სოფელ კირნათში განთავსებულ სასაზღვრო საგუშაგოზე „ბათუმელებს“ ეს ინფორმაცია არ დაუდასტურეს.
როგორც შს სამინისტროში ამბობენ, სოფელ კირნათთან დაკავშირებით მალე ოფიციალურ განცხადებას გაავრცელებენ.
დამატებით ინფორმაციას ამ საკითხზე სოფელ კირნათიდან მოგვიანებით მოგაწვდით.
