ალექსანდრე ჯეჯელავა მაღალმთიან აჭარაში პედაგოგებს შეხვდება


საქართველოს განათლების მინისტრი ალექსანდრე ჯეჯელავა აჭარაში იმყოფება.

დღეს, 8 მაისს, ალექსანდრე ჯეჯელავას აჭარის განათლების მინისტრთან, ინგა შამილიშვილთან ერთად,  საზოგადოებრივი კოლეჯის -„ახალი ტალღა“ –  ტრენინგ-ცენტრის დათვალიერება და ბიზნესის წარმომადგენლებთან შეხვედრა ჰქონდა დაგეგმილი.

დღის მეორე ნახევარში ჯეჯელავა მაღალმთიან აჭარაში აპირებს გამგზავრებას. შუახევის კულტურის სახლში მინისტრები მაღალმთიანი აჭარის მუნიციპალიტეტების 300-მდე პედაგოგს შეხვდებიან, შეხვედრის დასრულების შემდეგ კი, ალექსანდრე ჯეჯელავა და ინგა შამილიშვილი ხიჭაურის უნივერსიტეტში, სხალთის ეპისკოპოსთან, სპირიდონთან ერთად დაათვალიერებენ სასწავლებელს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნანა კვაჭაძე, ჟურნალისტი ელფოსტა: kvachadze.n@gmail.com