ამერიკული კუთხე ტაქსის მძღოლებსა და ბანკის თანამშრომლებს ინგლისურს უფასოდ შეასწავლის


ტაქსის მძღოლებისთვის სასაუბრო ინგლისურის, ხოლო ბანკის თანამშრომლებისთვის ბიზნესინგლისურის უფასო ინტენსიური კურსის დაწყების შესახებ ინფორმაციას ბათუმის ამერიკული კუთხე ავრცელებს.

ამერიკული კუთხის ინფორმაციით, ენის კურსები დაიწყება შემდეგი კვირიდან. თითოეულ ჯგუფში მხოლოდ 20 მსმენელის დასწრება არის დასაშვები.

ბიზნესინგლისურის გაკვეთილები ჩატარდება: შაბათი 16:30- 17:30; კვირა 12:00- 13:00; სასაუბრო კურსი ტაქსის მძღოლებისთვის: ორშაბათი 16:00- 17:00; ხუთშაბათი 15:00- 16:00

ამერიკულ კუთხეში ინგლისურს უფასოდ 10 წლამდე ბავშვებსაც ასწავლიან.

ამერიკული კუთხის ინფორმაციით, რეგისტრაციის მსურველებმა უნდა დარეკონ ტელეფონზე [551 52 20 54] ან დაუკავშირდნენ ინტერნეტით.

ნეტგაზეთის მასალების სხვა გამოცემებში გადაბეჭდვის წესი
ავტორი
გაზეთი "ბათუმელები" გამოდის 2001 წლიდან.