3 მაისს, დილით, გონიოში ავტოავარიას 2 ადამიანი ემსხვერპლა. ბათუმი-სარფის ავტომაგისტრალზე ერთმანეთს ორი მსუბუქი ავტომანქანა შეეჯახა. ადგილზე მისულ ბათუმის სასწრაფო-სამედიცინო დახმარების ბრიგადას ორი მამაკაცი გარდაცვლილი დახვდა. სასწრაფო დახმარების სამსახურში „ბათუმელებს“ უთხრეს, რომ იქ დაშავებული სხვა არავინ იყო.
შინაგან საქმეთა სამინისტროს ინფორმაციით, ფაქტზე საქმე აღძრულია სს კოდექსის 276-ე მუხლის მე-7 ნაწილით – ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ორი ან მეტი ადამიანის სიცოცხლის მოსპობა.
შს სამინისტროში აცხადებენ, რომ სხვა დაშავებულების შესახებ ინფორმაცია არ აქვთ.