სამი ერთეული სპეციალური დანიშნულების საასენიზაციო (დასუფთავების) მანქანა-ცისტერნის შესყიდვაზე ბათუმის მერიის შპს „ბათუმის წყალმა“ ტენდერი გამოაცხდა. მანქანა-ცისტერნების შესყიდვის სავარაუდო ღირებულება, ჯამში, 1 მილიონ 154 ათას 320 ლარია.
„ბათუმის წყალს“ სატენდერო პირობებში მითითებული აქვს, რომ შესყიდვა ჩანაცვლების წესით განხორციელდება, ანუ მომწოდებლის მიერ შეთავაზებულ თანხას იმ ავტომანქანის ღირებულება გამოაკლდება, რომელსაც „ბათუმის წყალი“ გადასცემს ტენდერში გამარჯვებულს.
ეს ავტომანქანაა MERCEDES-BENZ 2426-ია, რომლის ღირებულებაც სამხარაულის ექსპერტიზის ბიურომ დაადგინა.
„ბათუმის წყალი“ ვალდებულია მიიღოს საქონელი და გადაიხადოს ავტომანქანების ჩანაცვლების შემდგომ წარმოქმნილი ფასთა სხვაობა. ტენდერში გამარჯვებულისთვის გადასაცემი ავტომანქანების საბაზრო ღირებულება, ექსპერტის დასკვნის მიხედვით, შეადგენს 14 ათას ლარს, რომელიც ანაზღაურდება ავტომანქანების „მიმწოდებელზე“ გადაცემით, ხოლო დანარჩენი თანხა უნაღდო ანგარიშსწორებით,“ – აღნიშნულია სატენდერო განაცხადში.
