მოსამართლეს საქმის გადადება, მისმა ადვოკატმა ვაჟა ხახუტაიშვილმა სთხოვა. ადვოკატის განმარტებით, ის არ იცნობს მისი დაცვის ქვეშ მყოფის საქმეს და კონკრეტულად რას ედავება სახელმწიფო დავით ხალვაშს მისთვის უცნობია. დაცვის მხარემ დრო სწორედ საქმის მასალების გაცნობისთვის ითხოვა.
დავით ხალვაში ქართველმა სამართალდამცავებმა სარფში 22 აპრილს დააკავეს. ის წლების განმავლობაში იძებნებოდა, მის საქმეს კი ბათუმის საქალაქო სასამართლო დაუსწრებლად განიხილავდა. მოსამართლეს ბრალდებულმა დღეს სასამართლო პროცესზე უთხრა, რომ მას ამ დრომდე არ ჩაბარებია საბრალდებო დასკვნა.
დავით ხალვაში ბრალადებულია ბიზნესმენ თამაზ გელაძის გატაცებაში, მისთვის 800 ათასი დოლარის ღირებულების ქონებისა და ფულის გამოძალვაში.
ბიზნესმენი თამაზ გელაძე სასამართლომ უკვე დაკითხა.
დავით ხალვაშს ასევე სახელმწიფო ედავება უკანონო შეიარაღებული ფორმირების შექმნასაც. ბრალდებული ასევე ფიგურირებს ასლან აბაშიძის სისხლის სამართლის საქმეშიც.
დავით ხალვაშს ბრალად ედება სისხლის სამართლის კოდექსით გათვალისწინებული 154-ე მუხლის 1-ლი და მე-2 ნაწ. 186-ე მუხლის1-ლი და მე-2 ნაწ. 187-ე მუხლის 1-ლი, მე-2 და მე-3 ნაწ. 203.3 მუხლით, 158-ე მუხლის 1-ლი და მე-3 ნაწ. „ბ“, „გ“ და „დ“ ქ/პ, 332-ე მუხლის მე-2 ნაწ. და მე-3 ნაწ. „ა“ და „ბ“ ქ/პ, 333-ე მუხლის 1-ლი დამე-2 ნაწ. და მე-3 ნაწილის „ა“ და „გ“ ქ/პ და 381-ე მუხლით გათვალისწინებული დანაშუალის ჩადენა.
საქმეს ბათუმის საქალაქო სასამართლოს მოსამართლე დავით მამისეიშვილი განიხილავს, სახელმწიფო ბრალმდებელი კი პროკურორი რამაზ შავაძეა.
