მთავარი,სიახლეები

„ნაგავსაყრელი“ ბათუმის სანაპიროსთან [ფოტო, ვიდეო]

30.04.2017 • 4837
„ნაგავსაყრელი“ ბათუმის სანაპიროსთან [ფოტო, ვიდეო]

ბათუმში, ახალი ბულვარის გაგრძელებაზე, ზღვისპირა ზოლი, ფაქტობრივად, სამშენებლო მოედნად და არაოფიციალურ თუ ოფიციალურ ნაგავსაყრელადაა ქცეული.

პლაჟზე გასასვლელი, ახალი ბულვარიდან აეროპორტის ასაფრენ ზოლამდე, რკინის ბადითაა შემოღობილი – აქ ნაპირგამაგრების სამუშაოები მიმდინარეობს [თუმცა დღეს, 30 აპრილს, კარგ ამინდში, საღამოს 6 საათზე, აქ ერთი ტრაქტორი იდგა და არავინ მუშაობდა].

აქ ინტენსიურად მოძრაობდნენ მძიმე სატვირთო ავტომობილები, რომლებიც მშენებლობის მოედნიდან ამოღებულ მიწას [ფაქტობრივად ტალახს] აქვე, გზის პირას [კაჩინსკების ქუჩის გაგრძელება, ადლია] ყრიან.

„ბათუმელები“ ერთ-ერთ მძღოლს გაესაუბრა, რომელმაც არ დააკონკრეტა, თუ რომელ კომპანიას ემსახურებოდა: „აღებული აქვს ნებართვა და ვცლით მანქანებს, მერე რა?“.

ტერიტორია, სადაც მშენებლობის დროს ამოღებული მიწა იყრება, არც შემოსაზღვრულია და არც მინიშნებაა, რომ აქ გარკვეული სამუშაოები მიმდინარეობს.

ამასთან, დაზიანებულია ტროტუარი, ბორდიურები, მწვანე საფარი, საგზაო ნიშნები, დანაგვიანებულია გზის სავალი ნაწილი და არის მტვერი. არადა, აქ მოძრაობენ, როგორც მსუბუქი ავტომანქანები, ასევე გადაადგილდებიან მოქალაქეები ველოსიპედებით. მათ შორის ბევრია ტურისტიც.

ტერიტორია, სადაც მშენებლობებიდან გამოტანილი ტალახი იყრება, საჯარო რეესტრის ბოლო ამონაწერების მიხედვით, რამდენიმე საკადასტრო ერთეულადაა დაყოფილი და თითქმის ყველა ქალაქ ბათუმის მერიის საკუთრებაშია.

ბათუმის მერიის საზოგადოებასთან ურთიერთობის სამსახურის ინფორმაციით, „მერიის მიერ ნებართვა გაცემულია შპს „ჯეო ტრანსპორტზე“, რომ შეიტანოს მიწა, დაყაროს და მოასწოროს ტერიტორია. რაც შეეხება დაზიანებას ტროტუარის და ა.შ. თუ კომპანიამ რამე დააზიანა, თვითონვე უნდა აღადგინოს, მაგრამ ამ ეტაპზე მერიაში კომპანიის სახელზე არ ფიქსირდება საჯარიმო სანქცია“.

ახალი ბულვარის გაგრძელება

ბათუმი / 30.04.2017 / თედო ჯორბენაძის ფოტოები

ახალი ბულვარის გაგრძელებაახალი ბულვარის გაგრძელებაახალი ბულვარის გაგრძელებაახალი ბულვარის გაგრძელებაახალი ბულვარის გაგრძელებაახალი ბულვარის გაგრძელებაახალი ბულვარის გაგრძელებაახალი ბულვარის გაგრძელებაახალი ბულვარის გაგრძელება

 

გადაბეჭდვის წესი


ასევე: