ბათუმის საკრებულოს ფრაქციამ „ბათუმისათვის“, რომელსაც საკრებულოს წევრი ნაზიბროლა ქობულაძე ხელმძღვანელობდა, სახელი და ხელმძღვანელი შეიცვალა. ფრაქციას „ქართული ოცნება ბათუმისათვის“ დაარქვეს, ფრაქციის ახალი წევრი ჯუმბერ კობალაძე კი ფრაქციის ხელმძღვანელად აირჩიეს. ფრაქციამ ასევე ცნობად მიიღო მამული ჟღენტის უფლებამოსილების შეჩერების საკითხი, რაც ავტომატურად იწვევს მისი ფრაქციის წევრობის უფლებამოსილების შეჩერებასაც.
ახალ ფრაქციაში ჯუმბერ კობალაძის ხელმძღვანელობით საკრებულოს თავმჯდომარე ირაკლი ჩავლეიშვილი და ნაზიბროლა ქობულაძე ერთიანდებიან.
ჯუმბერ კობალაძე საკრებულოში „ეროვნული საბჭოდანაა“ არჩეული, ნაზიბროლა ქობულაძე კი „ ქრისტიან დემოკრატიული მოძრაობიდან“, მან ეს პარტია გასული წელს დატოვა. ირაკლი ჩავლეიშვილი კი საკრებულოში „რესპუბლიკელების“ კვოტით შევიდა.
რაც შეეცება მამული ჯღენტს, მას ბრალად სამსახურებრივი უფლებამოსილების ბოროტად გამოყნება და თაღლითობაში დახმარება ედება. მას საკრებულოს წევრის უფლებამოსილება პროკურატურის მოთხოვნის საფუძველზე თბილისის საქალაქო სასამართლოს განჩინებით გამოძიების დასრულებამდე შეუჩერეს.
